ইন্দিয়া ৱুদ ২০২৬ বেঙ্গলোর ইন্টর্নেস্নেল এগজিবিসন সেন্তরদা পাঙথোক্লগনি

চহী অনী খূদীঙগী পাঙথোকপা মালেম পূম্বগী প্রিমিয়র ট্রেদ ফেয়র – ইন্দিয়া ৱুদ ২০২৬, লাক্লিবা ফেব্রুয়ারি ২৬ তগী হৌরগা চহী অসীগী মার্চ ২ ফাওবা বেঙ্গলোর ইন্টর্নেস্নেল এগজিবিসন সেন্তর (বি আই ই সি), বেঙ্গলুরুদা  পাঙথোক্কদৌরি। মসিনা ৱুদ-ৱার্কিং অমসুং ফর্নিচর প্রদক্সনগী হীরমদা মালেমগী অতৈ লৈবাকশিংনা ইন্দিয়াগী হৈ-শিংবা, থাজনিঙায় ওইনা লৈতেংলবা অমদি মতম শাংনা চৎলবা ফর্নিচর আইতেমশিংদা অহেনবা মীৎয়েং চিংশিনবা ঙমহল্লগনি।নর্নবর্গমেস ইন্দিয়া না শীন্দুনা পাঙথোক্কদৌরিবা হন্দক চহীগী এদিসন অসিদা লৈবাক অসিনা গ্লোবেল সম্মিট পাঙথোকপগা লোয়ননা ৱুদৱর্কিং, ফর্নিচর প্রদক্সন অমসুং মোম্পাক্নচিংবা শাদুনা মালেমগী মীয়াম্না পাম্নরবা পোত্থোকশিং পুথোকপগী মতীক-মগুনশিং অদূ ঊৎথোক্নবগী মরুওইবা তাঞ্জা অমসু ওইরগনি হায়রি।

থৌরম অসিবু য়ুরোপিয়ন ফেদরেসন ওফ ৱুদ-ৱার্কিং মেচিন্নরি মেন্যুফেকচরর্স( ইয়ুএমএবিওআইএস) নসু মখাতানা শৌগৎলক্লি।হন্দক্কি অসিনা ইভেন্ত অসীগী পুৱারিদা খ্বাইদগী মপূঙফানা চাউরবা অমসু ওইরগনি। ইন্দিয়াৱুদ ২০২৬  হায়না মিংথোনবা ট্রেদ ফ্যের অসীদা মপানলমগী লৈবাক ৫০ হেনবদগী ব্রান্দ ১০০০ হেনবগী পোত্থোকশিং থেন্দুনা মীয়ামগী মীৎয়েং চিংশিনগনি অদুগা ইন্দষ্ট্রি প্রোফেস্নেল ৯০,০০০ হেনবনা শরূক য়াগদৌরি। এগজিবিসন পাঙথোক্কদৌরিবা মফম অসীগী পাক-চাউবনা স্কৱার মিটর ৮৫,০০০ ওইদুনা,মমাঙদা পাঙথোকখিবা এদিসন অদুদগী চাদা ১৫ ফাওবা হেঙ্গৎলবনি হায়রি।

নর্নবর্গমেস ইন্দিয়া গী মেনেজিং দিরেক্টর সোনিয়া প্রসারনা ইভেন্ত অসীগী মতাঙদা হায়, ইন্দিয়াগী ৱুদ-ৱার্কিং অমদি ফর্নিচর প্রদক্টশিং অসিদা মিলেমগী মীয়াম্না নোংমা-নোংমগী পাম্নবা হেঙ্গৎনরক্লি হায়বসি হন্দক পাঙথোক্কদৌরিবা ইভেন্ত অসীদগী মীয়াম্না খঙনরগনি। লৈবাক অসিদা ইন্দষ্ট্রি অসী য়াম্না মপূঙ-মরৈ ফানা চাওখৎলি হায়বসি অতৈ মালেমগী লৈবাকশিংনা খঙবগা লোয়ননা ফজরবা অমদি মতম শাংনা পুন্সিরবা প্রদক্টশিং অসীবু পাম্নরকপগী মশীঙসু নোংমা -নোংমগী হেঙ্গৎলক্লি হায়খি।