মনিপুর পুলিস অমসুং কম্বাইন্দ ফোর্স না ইম্ফাল ইষ্ট, কাংপোকপি অমসুং বিষ্ণুপুর দিষ্ট্রিক্টকি তোঙান তোঙানবা মফমশিংদা সর্স ওপরেসন চত্থবদা য়াম্লবা খূৎশু-খূৎলায় কয়ামরুম ফাগৎপা ঙমখ্রে। অকক্নবা পাউগী লীখূন অমা ফংবদগী ইন্দিয়ান আর্মি, বি এস এফ অমসুং মনিপুর পুলিসকি অপূনবা কম্বাইন্দ ফোর্স না কাংপোকপী অমসুং ইম্ফাল ইষ্ট দিষ্ট্রিক্টকি তোঙান তোঙানবা মফমশিংদা সর্স ওপরেসন চত্থবদা য়াম্লবা খূৎশু-খূৎলায়শিং ফংবা ঙমখিবনি।
শকখঙদবা খূৎলায় পায়বশিংনা শীজিন্নরম্বদগী লোত্তুনা থম্লম্বা খূৎলায়শিং অদূগী মনূংদা স্নাইপর রাইফল অমা, হেভী কেলিবর লোঞ্চর অমা, পিষ্টোল অমা, সিঙ্গল বেরেল গন অমা, য়াম্লবা নোংমৈ মরু অমসুং লান্দা শীজিন্নবা মখল-মখা কয়াগী পোৎলমশিং ফংবা ঙমখিবনি হায়রি। য়াম্লবা খূৎশু-খূৎলায় শিং অদূ মখাতানা থিগৎনবা অমসুং দিস্পোজেলগীদমক মনিপুর পুলিসতা শিন্নখ্রে হায়রি।
নাকল অমরোমদনা, মনিপুর পুলিহনা চত্থখীবা সর্স ওপরেসন অমদা বিষ্ণুপুর দিষ্ট্রিক্টকি মনূংদগী সেল্ফ লোদ্দিং রাইফল অমা, গ্ৰেনেদ অমসুং আর পি জি সেল কয়ামরুম ফাগৎপা ঙমখ্রে। দিষ্ট্রিক্ট অসীগী মচীন-মনাও চীঙ হায়না খঙনরিবা মফম অদূদা এরিয়া দোমিনেসনগা লোয়ননা সর্স ওপরেসন চত্থবদা খূৎলায়শিংদু ফাগৎখিবনি। মেগজিন অমগা লোয়ননা এস এল আর অমা, রোকেট প্রোপেল্ড গ্ৰেনেদ সেল অনী, আর পি জি সেল চার্জর অনী, ঐচ ই-৩৬ হেন্দ গ্ৰেনেদ অহুম অমসুং চাইনিজ হেন্দ গ্ৰেনেদ অমসু ফাগৎখিবনি হায়রি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর