আই.এফ.এফ.সি.ও.না লোক সভাদা ত্রিভুবন সহকারী য়ুনিভর্সিতী বিল

আই.এফ.এফ.সি.ও.না লোক সভাদা ত্রিভুবন সহকারী য়ুনিভর্সিতী বিল, ২০২৫লাউথোকখিবা অমসুং মদুগী মতুংদা ২০২৫গী মার্চ ২৬তা লোয়র হাউসনা অয়াবা পীখিবা অদু তরাম্না ওক্লি। বিল অসি লাউথোক্লদুনা কোওপরেসন অমসুং হোম এফিয়র্সকী ইকাই খুম্নরবা মন্ত্রী শ্রী অমিত শাহনা হায়খি মদুদি নীংতম্বগী চহি ৭৫গী মতুংদা, ঙসি লৈবাক অসিনা অহানবা কোওপরেতিব য়ুনিভর্সিতী ফংলি। মহাক্না হায়খি মদুদি বিল অসিনা খুঙ্গংগী শেন্মিৎলোনবু মপাঙ্গল কনখৎহল্লগনি, সেল্ফ-এমপ্লোয়মেন্ত অমসুং অপীকপা ওন্তপ্রিন্যুওরশিপকী ইকোসিস্তেম চাউখৎহল্লগনি, সোসিএল ইনক্লুজন হেনগৎহল্লগনি অমসুং ইন্নোভেসন অমসুং রিসর্চতা অনৌবা স্তেন্দর্দশিং থম্নবগী খুদোংচাবশিং হেনগৎহল্লগনি। মহাক্না হায়খি মদুদি মসিনা অমরোমদা কোওপরেতিবকী ৱাখল্লোন্না ইথিল পীদুনা অমসুং মোদর্ন এজুকেসন্না মপাঙ্গল হাপতুনা লৈবাক শীনবা থুংনা অনৌবা কোওপরেতিব লিদরশিপ অমা ফংলগনি।  আই.এফ.এফ.সি.ও.গী মেনেজিং দাইরেক্তর, দা. উদাই শঙ্কর অৱাস্তিনা হায়খি, “ত্রিভুবন কোওপরেতিব য়ুনিভর্সিতী বিল ২০২৫ অসি কোওপরেতিবশিং চাউখৎহন্নবা পুৱারী ওইরবা খোংথাং অমনি হায়না ঐহাক্না থাগৎপা ফোংদোকচরি। হায়রিবা য়ুনিভর্সিতী অসি লিংখৎপা অসিনা কোওপরেতিব সেক্তরদা অনৌবা অহোংবা অমা পুরক্লগনি। 

ঐহাক্না ইকাই খুম্নরবা প্রধান মন্ত্রী শ্রী নরেন্দ্র মোদীজী অমসুং ইকাই খুম্নরবা গৃহ অমসুং কোওপরেতিব মন্ত্রী শ্রী অমিত শাহজীগী শীংথানীংঙাই ওইরবা খোঙথাং অসিবু তরাম্না ওকচরি। মসি ভারতকী লৌউ-শিংউ, লৌমীশিং অমসুং খুঙ্গংগী চাউখৎ-থৌরাংগীদমক য়াম্না চাউবা খোঙথাং অমনি। মসিনা ঐখোয়গী খুঙ্গংশিংবু হেন্না মপাঙ্গল কনখৎহল্লগনি।” মহাক্না হায়খি, লৈবাক শিনবা থুংনা সেক্তর-স্পেসিফিক স্কুলশিং লিংখৎপনা ফর্তিলাইজর কোওপরেতিবশিং মরু ওইনা আই.এফ.এফ.সি.ও.দা মতেং পাংগনি, মসিনা ফর্তিলাইজর কোওপরেতিব মেনেজমেন্ত অমসুং মার্কেতিংগী লমদা প্রোফেস্নেলশিংগী অনৌবা জেনরেসনগা লোয়ননা কোওপরেতিবশিংবু মপাঙ্গল কনখৎহনগনি। হৌজিক লৈরিবা কোওপরেতিব ইমপ্লোয়ীশিংগীদমক শোর্ত-তর্ম কোর্সশিং অসি গেম চেঞ্জর অমনি অমসুং মসি অসিগুম্বা স্কেল অমদা মমাংদা তৌখিদ্রিবা খোঙথাং অমনি। হায়রিবা য়ুনিভর্সিতী অসিনা হৌজিক লৈরিবা এমপ্লোয়ীশিং অমসুং কোওপরেতরশিংদসু ত্রেনিং পীদুনা মখোয়বু ইফিসিএন্ত ওইহন্দুনা ফ্রেতর্নিতীগীদমক অচৌবা এসেৎ অমা ওইহল্লগনি। খোঙথাং অসিগীদমক থাগৎপা ফোংদোক্লদুনা, আই.এফ.এফ.সি.ও.গী চেয়রমেন শ্রী দিলীপ সঙ্ঘানিনা হায়খি, খোঙথাং অসিনা কোওপরেতিবলিদরশিপকী মথংগী জেনরেসনগীদমক্তা মীশিংবু শেমগৎকনি অমসুং  কোওপরেতিবশিংনা কোওপরেতিবশিংগীদমক্তা চলাইবা সিস্তেম অমগী মখাদা য়েংশিনগনি। মহাক্না ইকাই খুম্নরবা প্রধান মন্ত্রী শ্রী নরেন্দ্র মোদীজীগী লমজিং মখাদা অহানবা কেন্দ্রগী কোওপরেসন মন্ত্রী শ্রী অমিত শাহজীনা “সহকার সে সমৃদ্ধি”গী মোতোগা লোয়ননা লেপ্পা লৈতনা থবক তৌরিবা অসিবু তৌবিমল খঙবা উৎখি। মহাক্না হায়খি মদুদি মসি পুৱারী ওইরবা খোঙথাং অমনি অমসুং মসিনা কোওপরেতিব সেক্তরবু লাক্কদৌরিবা চহিশিংদা চাউখৎহনগনি।
কোওপরেতিব সেক্তর চাউখৎনবা অমসুং পাকথোক চাউথোকহন্নবগীদমক্তা, ত্রেন তৌরবা হ্যুমেন রিসোর্সশিং মথৌ তাই অমসুং ত্রিভুবন সহকারী য়ুনিভর্সিতীনা মসিগী মথৌ তাবশিং অসি মপুং ফাহন্নবগীদমক্তা থবক তৌগনি। কোওপরেতিব য়ুনিভর্সিতী অমা শেম্লবা মতুংদা, মসিগী দিপ্লোমা অমসুং দিগ্রী হোল্দরশিংনা থবক ফংলগনি। য়ুনিভর্সিতী অসিগী খুত্থাংদা দোমেস্তিক অমসুং গ্লোবেল ভেল্যু চেনদা অচৌবা কন্ত্রিব্যুসন অমা পীগনি। অনৌবা মতমগী কোওপরেতিব কলচর অসিসু প্রোফেস্নেল মেনেজমেন্তকী ৱাখল্লোনবু মশক তাক্কদবা য়ুনিভর্সিতী অসিদগী হৌরগনি। লৈবাক শিনবা থুংনা লৈরিবা কোওপরেতিবশিংগা তান্নদুনা কোওপরেসন মন্ত্রালয়গী লমজিং মখাদা য়ুনিভর্সিতী অসিগী স্তেন্দার্দাইজ তৌরবা করিক্যুলম অমা শেমগৎকনি। কোওপরেতিব মার্কেতিংগী অখন্নবা কোর্সশিংগী খুত্থাংদা কোওপরেতিবশিংগী প্রোফেস্নেল মেনেজমেন্তনা কোওপরেতিবশিংবু মখোয়গী পোত্থোকশিং মালেমগী থাক্তা কৈথেলদা য়োনবা ঙমহনগনি, মসিনা কোওপরেতিব সেক্তরগী অপুনবা পোত্থোক অমসুং শেন্দোং অসি “লোকেল তু গ্লোবেল”গী ৱাখল্লোন্দা ফগৎহনগনি।