ICICI প্রু লাইফনা ইন্সুরেন্স মমল হোংহন্দুনা কস্তমরশিংদা GSTগী কান্নবা ফংহনখ্রে

তর্ম ইন্সুরেন্স অসি মীওই অমা হেক্তগী ফাইনান্সিএল প্লানগী তঙাইফদবা শরুক অমনি। মসিনা শেল তাল্লিবা মীওই অমা লৈখিদবা মতমদা ইমুং অদুগী ইনকম মহুৎ শিন্নবা খুৎলাই অমা ওইনা থবক তৌদুনা ফাইনান্সিএল গোলশিং ফংহনবা ঙম্নবা মপাঙ্গল লৈবা য়ুম্ফম অমা ওইরি। হন্দক্তা, ভারত সরকারনা ইন্সুরেন্স পোলিসী পুম্নমক GST লৌদনবা রিফোর্মশিং হৌদোকখি। মমাংদা কস্তমরশিংনা প্রিমিয়মগী শেনফমগী ১৮%দি GST ওইনা থীখি। খুদম ওইনা, করিগুম্বা মীওই অমনা লুপা ১০০গী প্রিমিয়ম অমা থীবা তারবদি, মসিগী মথক্তা লুপা ১৮দি GST ওইনা লৌগনি। GST লৌদবগা লোয়ননা মীওই অমনা হৌজিক্তি লুপা ১০০ খক্তমক পীবা তাই। মসিনা তর্ম ইন্সুরেন্স য়াওনা লাইফ ইন্সুরেন্স প্রদক্তশিং মমল হন্থহল্লে। ICICI প্রুদেন্সিএল লাইফ ইন্সুরেন্সনা মখোয়গী কস্তমরশিংদা খ্বাইদগী ফবা ভেল্যু ফংহন্নবা মখোয়গী অচেৎপা ফিরেপ অদুগী মতুং ইন্না মাগী কস্তমরশিংদা GST মপুং ফানা লৌথোকপগী কান্নবা ফংহল্লি।  অসুম্না, ইন্সুরেন্স প্লানশিং অসি ভারতকী ইমুং খুদিংমক্তা হেন্না হোংবা অমসুং এক্সেসিবল ওইবা ওইহল্লি।

মসিনা তর্ম ইন্সুরেন্স প্রদক্তশিংগী মমলদা করি শাফু পীবগে হায়বদু য়েংসি। মমাংদা, চহি ৩০গী নুপা, মৈখু শীজিন্নদবা মীওই অমনা থাগী ওইনা 825 য়াওনা লুপা ৮২৫গী প্রিমিয়ম থীখি। হৌজিক্তি চহি ৩০গী মতমগী ওইনা লুপা করোর ১গী লাইফ কভরগীদমক্তা চপ মান্নবা মীওই অমনা লুপা ৬৯৯ থীবা তাই। মসিগী মথক্তা, চপ মান্নবা কভর অমসুং তেনরগীদমক্তা চহি ৩০ শুরবা নুপী, মৈখু শীজিন্নদবা মীশক অমনা GST য়াওনা লুপা ৬৯৭গী মহুত্তা লুপা ৫৯৪ খক্তা থাগী প্রিমিয়ম ওইনা থীগনি।

ICICI প্রুদেন্সিএল লাইফ ইন্সুরেন্স কো. লিমিতেদকী চীফ প্রদক্ত ওফিসর, শ্রী বিকাস গুপ্তানা হায়খি, “ICICI প্রুদেন্সিএল লাইফ ইন্সুরেন্সতা ঐখোয়না থাজৈ মদুদি ঐখোয়গী কস্তমরশিংগীদমক অচুম্বা থবক তৌবদা অশেংবা ভেল্যু অদু লৈ। ঐখোয়না ঐখোয়গী কস্তমরশিংদা সেভিং খুদিংমক রিতর্ন তৌবনা মখোয়গী থাজবা হেনগৎহল্লি, এফোর্দেবিলিতী হেনগৎহল্লি অমসুং ক্বালিতী ইন্সুরেন্স অসি মীপুম খুদিংমক্না ফংহনবা ঙমগদবা তুংলমচৎ অমদা ঐখোয়বু হেন্না নকশিলহল্লি। মসিনা মখোয়গী তুংলমচৎকীদমক অহানবা খোঙথাং লৌখৎনবা মীওই কয়া অমা পুক্নিং থৌগৎতুনা প্রোতেক্সন গেপ অদু হন্থহন্নবা কম্পনীনা লেপ্তনা হোৎনরিবা অদুসু মপুং ফাহল্লি”। মরুওইনা, তর্ম ইন্সুরেন্স অসি ফাইনান্সিএল সেক্যুরিতী কুশন অমনি। মসিনা মীওই অমনা মহাক্কী নুংশিজবশিংবু মহাক্কী মনাক্তা লৈত্রবসু ঙাক-শেনগনি। মরম অদুনা, প্রোতেক্সন প্রদক্তশিং অসি মীপুম খুদিংমক্তা য়ৌহনবদা খুদোংচাবা ফংহনবা অসি য়াম্না মরু ওই। মসিগী মথক্তা, প্রিমিয়ম হন্থবনা ইন্সুরেন্স পেনিত্রেসন হেনগৎহল্লগনি অমসুং ভারত মচা মিলিয়ন কয়াগী পুন্সিদা ফাইনান্সিএল প্রোতেক্সন পীনবগী পান্দমদা মতেং পাংগনি।