চহী অসীগী হৌখিবা ফেব্রুয়ারি থাদগী মনিপুরদা প্রসিদেন্ট রুল চল্লাইখ্রবা মতূঙদা লমদমসিদা অসী মঙায়রে হায়বা য়াবা দেভলপমেন্ট লাকপা উদ্রি, মীয়ামগী পুন্সিদা অহোংবা করিসু পুরকপা ঙমদ্রি। লমদমসিদা মহৌশাগী শান্তি মপূঙফানা হঞ্জিলহনবসু ঙমদ্রি হায়না মনিপুর প্রদেস কংগ্রেস কম্মিটিগী প্রসিদেন্ট অমসুং ৱাংখেম কেন্দ্রগী এম এল এ কৈশাম মেঘচন্দ্রনা ফোঙদোকখ্রে।
ঙরাং ইম্ফালগী রাজভবন্দা এম পি সি সিগী টিম অমনা চত্তুনা তোঙান- তোঙানবা ৱারোলশিং য়াওবা মেমোরেন্দম অমা গভর্নর অজয় কুমার ভাল্লাগী মফমদা পীশীল্লুরবা মতূঙদা পাউমীশিংদা ৱাফম অসী মেঘচন্দ্রনা ফোঙদোকখিবনি।
মনিপুরগী চিফ সেক্রেটরি পি কে সিংহনা আই দি পিশিং চহী অসীগী লাক্লিবা দিসেম্বর ফাওবদা মশাগী হান্নগী লৈফমশিংদা মপূঙফানা হঞ্জিলহল্লগনি হায়না হন্দক ফোঙদোকখিবা অদূগী মতাঙদা মেঘচন্দ্রনা মশাগী ওইবা মোৎ ফোঙদোক্লদুনা হায়, হৌজিক লৈরিবা পি আর লৈঙাক অসীনা আই দি পিশিং দিসেম্বর ফাওবদা হান্নগী লৈফমশিংদা মপূঙফানা হঞ্জিলহল্লগনি হায়রিবা অদুগী চপচাবা রোদ মেপ অমা পুথোক্কদবনি। ফূবালা মায়কৈরোমদা শারিবা প্রি ফেব্রিকেটেদ হাওসশিং অসীসু ৱার্ক ওর্দর য়াওদনা অমসুং টেন্দরনচিংবসু অমত্তা তৌদনা শাখিবা ওইবনা মরম চাদবা ওইরি লোয়ননা রিলিফকি য়াম্লবা ফন্দশিং হাইদৎপগী থৌওংশিং অসী লাইবক থীবনি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে