হেলমেট ঊপ্তনা লম্বীদা গারি মচা থৌবশিংদগী ফাইন লূপা লীশীং ২৫ লৌগদৌরি

লম্বীদা গারি মচা অমসুং অচৌবা কয়া থৌদুনা চৎলিবা মীওইশিং করিগুম্বা মতমদা লম্বীগী খুদোংথীবা থোকপদগী পুন্সি পিখম্নখিবগী থৌদোক লৈবাক অসীখক্তা নত্তনা মালেমগী মফম কয়াদসু মহৌশাদগী হৌনা মায়োক্ন দুনা লাক্লি। লম্বীগী খুদোংথীবা থোকপগী থৌওং অসীদি মীওইবা খুনাইনা হিংলিবমখৈ থোক্লগদবা থৌদোক্নি।এক্সিদেন্ট মায়োক্নবদা শিরিবা গারী মচা থৌবা মীওইশিং অসীগী মনূঙদা চাদা ৪০ রোমদি কোক্কি শরুক্তা শোকপশিংনি। মরম অদূনা লম্বীদা গারি মচা থৌদুনা চৎলিবশিং তঙায়ফদনা হেলমেট ঊপহন্ননবা লৈঙাক্না অনৌবা এক্ট অমা অথূবা মতমদা পাস তৌনবা অমসুং মদূ চহী অসীগী জুলাই ১০ দগী চৎনহন্নবা অকনবা খোঙথাঙ লৌখৎপা হৌখ্রে।

মীয়ামগী পুন্সিদা য়ারিবমখৈ অশোয়- অঙাম থোকপা অমসুং মী শিবগী চাং হন্থহন্ননবা পান্দমদা এক্ট অসী পাস তৌদুনা চৎনহনগদবনি হায়না রিপোর্ট অমনা ফোঙদোরক্লি। ইন্দিয়া পূম্বদা চৎনহনগদবা অনৌবা এক্ট অমসুং রুলস অসীনা লম্বীদা গারি মচা থৌদুনা চৎলিবা মীয়ামগী পুন্সি কনবদা চাউনা মতেং ওইরগনি হায়রি। মমাঙদসু ট্রাফিক রুল কয়ামরূম শেমদুনা চৎনহনখ্রবসু মতম খরা চৎনরম্লবা মতূঙদা মীয়াম্না থৌশানরক্তবদগী কান্নফম খঙদনা লৈখিবা কয়া য়াওরি। ফীভমশিং অসী য়েংলগা হন্দক চৎনহনগদৌরিবা এক্ট অমসুং রুলস অসীদি মপূঙফানা চৎনহন্দুনা মীয়ামগী পুন্সি কন্ননবা পান্দমদা মরী লৈনবা লৈঙাক্কি অথোরিটিশিংনা গারি থৌরিবা মীয়ামদা হৌজিক পাক-সন্না ট্রাফিক রুলস ঙাক্না চৎনবা অমসুং তঙায়ফদনা হেলমেট ঊপ্ননবা এৱের্নেস পীবা হৌখ্রে।

অনৌবা এক্ট অসী ঙাক্তবশিং লূপা লীশীং ২৫ ফাইন লৌগদৌরি। লৈঙাক্কি খোঙথাং অসী মীওই অয়াম্বনা থাগৎপা ফোঙদোক্নরক্লি অদুগা ফাইনগী শেনফমশি চাউমল্লি, লায়রবা মীওইশিংনা পুবা-থাংবা ঙম্লোইদবা অমনি হায়না পেন্দবা ফোঙদোক্নরকপা কয়াসু য়াওরি।