হৌখিবা জুলাই ২১ দগী হৌনা রিগ্যুলর পে পীগদবনি হায়বা খোঙজঙ চঙশীন্দুনা পেনদাউন ষ্ট্রাইক চত্থরকখিবা হয়ার সেকেন্দরি লেকচররশিংগী খোঙজঙ অদূ মনিপুরদা হৌজিক লৈরিবা পি আর লৈঙাক্কা য়ানবা পুরকখিবদগী ঙরাংদগী মতম কক্তনা হন্দোকখ্রে।
পেনদাউন ষ্ট্রাইক চত্থরিবা লেকচররশিংগী লুচিংবা খরগা ষ্টেট লৈঙাক্কি মকোকথোংবা ওফিসিয়েলশিংগা হীরম অসীগী মতাংদা মমাঙদসু ৱারী শান্নদুনা খন্নখিবদা য়ানবা পুরকপা ঙমদবদগী মখাতানা পেনদাউন ষ্ট্রাইক চত্থদুনা লাকখিবদগী লমদমসিদা লৈরিবা হায়র সেকেন্দরি স্কুলশিংগী মহৈরোয়শিং মহৈ-মশিন তম্বদা অচৌবা চৈথেঙ পীদুনা লাকখিবনি।
লেকচরর এসোসিয়েসন মনিপুর, ২০১৮বেটচনা চত্থরকখিবা খোঙজঙ অসীগী চৈরক্তা এসোসিয়েসন অসীগী প্রসিদেন্ট, সেক্রেটরি অমসুং এগজিক্যুটিব মেম্বর কয়া মনিপুরগী অরাপ্পা লোইজিং লোয়াশিংদা পাকসন্না ট্রান্সফর থাদোকলুরবনি। ঙরাং লৈঙাক্না অমুক হন্না কৌরকপদগী পূঙ অমরোম চঙনা ৱারী শানরবা মতূঙদা য়ানবা পুরকখিবনি। ট্রান্সফার দা লৈখ্রবশিং অদুসু অমুক হান্নগী মফমশিংদা হঞ্জিলহল্লগনি হায়বগী থাজবা পীরকখ্রে। ঙসীদগী চাং নাইনা মহৈ- মশিন তম্বিবা হৌরগনি হায়রি।
You may also like
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে
-
প্লাষ্টিক পোল্যুসন্না মীওইবদা পীরক্লিবা তমথিরবা চৈথেং অসীদগী ঙাকথোক্নবা মতম চানা হোৎনহৌবা মথৌ তারে: সোমোর্জিৎ
-
ন্যু কৈথেলমানবীগী খুঞ্জাশিং মশা-মশাগী হান্নগী ময়ূমশিংদা হঞ্জিনবা হৌরে, দি সিনা য়েংশিনখ্রে