চৎলিবা আগষ্ট থা অসীগী ১৫ দা মহৌশাগুম লৈবাক্কি মফমশিং শীন্থুংনা পাঙথোকখিবা নীংতম নুমীৎ থৌরমদা লৈবাক অসীগী নেস্নেল ফ্লেগপু খোঙপাক্না কাওদুনা খোঙ্গোয়নখিবনি হায়বা মনিপুরদগী চহী নৌরিবা নহা অহুম গুৱাহাটি পুলিসনা ফাগৎখ্রে।
হৌখিবা আগষ্ট ১৫ লৈবাক অসীগী ওইনা ৭৯ শুবা ইন্দিপেন্দেন্স দে থৌরম নুমীৎ অদুদা য়ু ঙাওরবনি হায়বা মনিপুরী নহা অহুম অদুনা গুৱাহাটি সহরদগী মতাই ওইনা লৈবা খনকরগাউ হায়না খঙনবা মফম অমদা জাতি অসীগী মীয়াম্বু থম্মোয় শোকহনগদবা, এন্টি নেস্নেল ওইবা থৌওংশিংদু চত্থখিবনি।অতোপ্পা থৌদোক অমদনা, নাগাউন দিষ্ট্রিক্ট কি মনূঙচন্না লৈরিবা স্কুল অমদা ফাটিমা খাতুন কৌবী নূপী প্রিন্সিপাল অমনা ইন্দিপেন্দেন্স দে পাঙথোক্নখিবা আগষ্ট ১৫ দা মহাক্না লুচিংলগা ওজাশিং অমসুং স্কুল অদুগী মহৈরোয়শিং য়াওনা লৈবাক অসীগী মচু অহূমগী ফীরাল স্কুল কেম্পস অদুদা চিংখৎখি।
য়াম্না ঙকপা থৌদোক ওইনা, নুমীৎ অদূগী মথঙগী নুমীৎ, আগষ্ট ১৬ কি অয়ূক পূঙ ৭.৩০ রোম তারকপদা প্রিন্সিপাল অদূ খঙহৌদনা মথন্তা লাক্তুনা স্কুলগী গেট অদু হাংদোক্তুনা চঙলক্লগা মহাক মশামক্না লুচিংদুনা চিংখৎলম্লবা নেস্নেল ফ্লেগ অদু চিংথরগা মখোঙনা কাওবা, নৈথৎপগী থবকশিং চত্থখিবনি হায়রি। থৌদোকশিং অসী সোসিয়েল মেদিয়াদা ভাইরেল ওইরকখ্রবা মতূঙদা আসাম পুলিসনা খূদক্তা এক্সন লৌখৎলগা মরী লৈনবশিং অদূ ফাগৎখি। মসিগা লোয়ননা অঙাঙ অহুম অদুনা সি দব্লিয়ু সি দা, অদূগা ফাটিমা খাতুন্না নুমীৎ ১৪ গী ওইনা জুদিসিয়েল কষ্টদিদা থমখ্রে হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে