অকনবা নোং-নুংশিৎ মরক্তা রিজনেল ফুটবোল মেচ অমা শান্নরিঙৈ চৈরক্তা খঙহৌদনা ব্রজ তাশিল্লকপদগী থায়লেন্দগী ফুটবোল প্লেয়ার অমা লায়কন্নবা নংদনা শিখ্রে অদূগা অতোপ্পা প্লেয়ার ১২ না মশাদা মৈনা চাকথেকপদগী শোক্লে।
লাইবক থীবা থৌদোক অসী খাথংবা থাইলেন্দগী মফম অমদা থোকখিবনি। লৈখিদ্রবা থায় প্লেয়ার অদূগী মমীং সাপৱান আৱে কৌই হায়রি। মহাক হন্দক থায় লিগ ৩ সাউদর্ন রিজন সাইট এফ সি য়ালাদা য়াওরকখিবনি।সাউদর্ন থায়লেন্দ নরথিৱট প্রোভিন্সতা লৈবা শন্তিফাপ ষ্টেদিয়মদা গোলাকপ রিজনেল টুর্নামেন্টকি ফুটবোল শান্নরিঙৈ মনূঙদা, লৈখিদ্রবা প্লেয়ার অসীগী হকচাংদা খঙহৌদনা ব্রজ তাশিল্লকপদগী মহাক খূদক্তা ৱান্থদুনা লৈমায়দা তাখিবনি। খূদক্তা ফুটবোল মেচ অদুবু য়েংলিবা ভাবোকশিং অমসুং মীয়াম চেনশীল্লক্তুনা মহাক্কি থৱায় কন্ননবা হোৎনখি। অদূম ওইনমক মহাক মফম অদূমক্তদা লৈখিদবনি হায়রি।
থৌদোক অদূগী মতাঙদা থাগৎলকখিবা ভিদিও ফুটেজ অমগী মতূঙ ইন্না, প্লেয়ার অদূনা বোল কন্না শান্নদুনা নোং মরক্তা ফুটবোল গ্ৰাউন্দ অদুদা কোয়না চেল্লিঙৈ চৈরক্তা ব্রজ তারক্তুনা মহাক্কি মশাদা চাকথেকখি। য়াম্না ঙানবা মৈবূল অমা মঙোন্দা তাশিনখ্রবা মতূঙদা মৈখূ কারকখি। মেদিকেল টিম অমা চঙশীল্লক্তুনা হোৎনরবসু মহাক্কি থৱায়দি কনবা ঙমহৌদ্রে হায়না থম্মোয় শোকহৌরবা ভাবোকশিং অদূনা ফোঙদোরকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে