হৌখিবা শগোলশেন নুমিত্তা গনমেন অমনা নোংমৈনা কাপ্প দা মীওই অনী শিরে অদুগা অতোপ্পা মীওই তরুক শোক্তুনা হোস্পিটালদা লায়কন্নখ্রে হায়রি। পুলিশ অথোরিটিনা গনমেন অদূ কন্ট্রোল তৌদুনা নোংমৈনা কাপ্ল বা মতূঙদা পুলিশ কষ্ট দিদা থমখ্রে। ফ্লোরিডা ষ্টেট য়ুনিভর্সিটিদা লৈবা পুলিশ কি চিফ জেসন ট্রম্বোৱরনা নুমিদাংৱাইরম পাউমীশিংদা ফোঙদোকখিবগী মতূঙ ইন্না,নোংমৈ কাপথোরকপদা শিখ্র বা মীওই অনীদু মহৈরোয়দি নত্তে। গনমেন অদূ মহৈরোয় ওইরমগনি হায়বগী থাজবা লৈরি।
নোংমৈ কাপ্প গী থৌদোক অদূ লোকেল টাইমদা অয়ূক্কি লঞ্চ মতম হায়বদি পূঙ ১১.৫০ (জি এম টিদনা ১৫৫০) রোম তারকপা মতমদনি হায়না ফোঙদোকখি। পুলিসনসু গনমেন অদূদা নোংমৈ কাপ্তুনা ফারবা মতূঙদা কষ্ট দিদা নমশীনখিবনি হায়খি। গনমেন অদূ য়াওনা হৌজিক মীওই ৬ শোকপদগী হোস্পিটালদা লায়কন্ন দুনা লৈরি। ফ্লোরিডা ষ্টেট য়ুনিভর্সিটিগী কেম্পসতা লৈবা ষ্টুদেন্স য়ুনিয়ন বিল্ডিংদা থৌদোক অদূ থোকখিবনি হায়না ট্রম্বোৱরনা মখা তানা ফোঙদোকখি।
পুলিশ না গনমেন অদূ নোংমৈনা কাপ্তুনা কন্ট্রোল তৌননবা থৌরাং লৌখৎলিঙৈ চৈরক্তা মহৈরোয় অমসুং ফেকল্টিশিং মশা-মশাগী লৈফমশিংদগী চত্থোক্ত না, লেঙদনা লৈননবা খঙহনখি হায়না মহাক্না পাউমীশিংদা পাউদমখি। য়ুনিভর্সিটি অদূগী মেইন কেম্পসতা পূন্না মহৈরোয় ৪২,০০০ হেন্না ক্লাস য়াওদুনা লৈখি। মেক্স জেনকিন্স কৌবা মহৈরোয় অমনা ফোঙদোকখিবা মতূঙ ইন্না গনমেন অদুনা ষ্টুডেন্টস য়ুনিয়ন হোলদগী থোকখ্র গা মীওই মঙা কাপ্লম্ব নি হায়খি।