চৎলিবা ফেব্রুয়ারি থা অসীগী অমদগী লৈবাক অসীগী ওইনা লৈরিবা হীদাক মনাগী পোৎলমশিংদা হান্না লৌরম্বা এক্সসাইজ দ্যুটি অমসুং হেল্থ সেস কি মওং মতৌ খরা হোংদোক-হোংজিন তৌখিবগা লোয়ননা টেক্স লৌবগী চাং হেঙ্গৎহনখ্রে।
থা অসীগী অমদগী অনৌবা এক্সসাইজ দ্যুটি, হেলথ সেস অমসুং নেস্নেল সেক্যুরিতী টেক্স ৱাংখৎনা লৌবা হৌরকখিবা অসী হান্নদগী চৎনদুনা লাক্লিবা টেক্স লৌবগী মওং মতৌ খরা হোংদোক হোংজিন তৌরবা মতূঙদনি। হন্দক হীদাকমনাগী পোৎলমশিংদা নৌনা জি এস টিগী চাদা ২৮ গী চাংদা টেক্স লৌরকপা অসী অদূঙৈ কুমশিং ২০১৭ তা লৈবাক অসিদা ইহান হান্না জি এস টি চৎনরকখ্রবা মতূঙদনি।
মেক্সিমম রিটেল প্রাইস (এম আর পি) দা য়ূম্ফম ওইরগা জর্দা,খৈনি,চুরূট অমসুং অতৈ হীদাক মনাগী পোৎলমশিংদা টেক্স লৌবগী অনৌবা সিষ্টেম অসী লাকপনি। চুরুট নত্রগা হীদাক মনাগী পোৎলমশিংদা থারিবা রিটেল প্রাইস অদুদা য়ূম্ফম ওইরগা জি এস টি লৌরকপনি। ফেব্রুয়ারি অমদগী চৎনবা হৌখ্রবা সেন্ট্রেল এক্সসাইজ এক্টকি মতূঙ ইন্না চূরূটকি অশাংবদা ওল্লগা, এম এম ৬৬ শাংবা চূরূট অমগী ওইনা লূপা ২.০৫ দগী লূপা ৮.৫০ ফাওবগী চাংদা এক্সসাইজ দ্যুটি লৌরগনি।
অতেনবা, ফীল্টর য়াওদবা চূরূট মচৈ অমদা লূপা ২.০৫ টেক্স লৌরগনি হায়রি। ফীল্টর য়াওবদনা টেক্স অসী লূপা ২.১০ ওইরগনি।এম এম ৬৫ দগী ৭৫ ফাওবা শাংবা, ফীল্টর য়াওদবা চূরূট মচৈ অমদা লূপা ৩.৬তগী লূপা ৪ ফাওবা টেক্স অসী লৌরগনি অদুগা এম এম ৭০ দগী ৭৫ ফাওবা শাংবা চূরূট কি ওইনা মচৈ অমদা লূপা ৫.৪ ফাওবা টেক্স লৌরগনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে