চুরাচান্দপুর নিঙোল অমা মপুরোইবা অমসুং ঈমূঙ-মনূঙগী মীওইশিংনা তমথীনা ওৎপী নৈবিদুনা দোমেষ্টিক ভাওলেন্স চত্থবিবগা মরী লৈননা পুলিসনা ফাগৎখ্রে। দোমেষ্টিক ভাওলেন্স কেস অমা মহাক্কি মথক্তা লৌখৎখিবগা লোয়ননা মতীক চাবা আইনগী চৈরাক পীননবা থৌরাং তৌখ্রে।
মশাগী লোয়নবীবু ঈমূঙ-মনূঙগী মীওইশিংগা লোয়ননা তমথীনা ওৎপী নৈবিদুনা দোমেষ্টিক ভাওলেন্স চত্থবিখি হায়রিবা থৌদোক্তা চেন্নরিবা মীওই অদুগী মমিংনা নাউচা খাইদেম (২৮) অপোকপা জুগিন্দ্রো খাইদেম কৌই হায়রি। মহাক বিষ্ণুপুর দিষ্ট্রিক্ট কি মনূঙচন্না কুম্বি পুলিস ষ্টেসনগী জুরিসদিক্সনদা লৈবা তাংজেং অহল্লুপতা লৈবনি। হৌজিক হৌজিক্না ইম্ফাল ইষ্ট দিষ্ট্রিক্ট কি মনূঙচন্না লৈরিবা ন্যু চেক্কোন্দা ভারাগী য়ূমদা লৈবনি হায়রি।
মহাক্না নেংনৈহোই (২৫) কৌবি কুকি-জো কাঙলূপকি চুরাচান্দপুর নিঙোল অমা লৌদুনা য়ূম্বানমিন্নদুনা লৈরকখ্রবা মতূঙদা তমথীনা ওৎপী-নৈবিবা তৌদুনা ঈমূঙগী মীওইশিংগা মান্নরগা ফূবিবদগী হৌজিক চুরাচান্দপুর দিষ্ট্রিক্ট হোস্পিটালদা য়াম্না অরুবা ফীভমদা লায়কন্নরগা লৈরি হায়রি।
মশামক্কি নুপীবু ওৎপী-নৈবিবা তৌরিবা মীওই অদূগী মথক্তা ইম্ফাল ইষ্ট দিষ্ট্রিক্ট ৱিমেন পুলিস ষ্টেসন্না কেস অমা লৌখত্তুনা মহাকপু ফাগৎখিবনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে