ষ্টেট হেল্থ এজেন্সি অমসুং মনিপুর লৈঙাক্কি দিরেক্তরেৎ ওফ হেল্থ সার্বিসেসনা শীন্দুনা ইম্ফাল ইষ্ট দিষ্ট্রিক্ট কি পৌরাবী লমজীঙ মৈরা পায়বী অমসুং মোধু এন্দ সনাহনবী মেমোরিয়েল ট্রষ্ট পৌরাবীগা খূৎশম্নদুনা চিফ মিনিষ্টরগী হকশেলগী তেঙবাং (সি এম ঐচ টি) অমসুং প্রধান মন্ট্রি জন অরোগ্য যোজনা (পি এম জে এ ৱাই) কার্দ শাবগী থৌরম অমা পাঙথোক্তুনা লায়রবা, শেন্থোক নেম্বা ঈমূঙশিংনা অনা-অয়েক য়াওরকপদা লেম্না লায়েংবা ঙমহন্ননবা খুদোংচাবা ফংহনখ্রে।
পৌরাবি লায়নীঙথৌ পুথিবা কম্যুনিটি হোলদা পাঙথোকখিবা থৌরম অদুদা পৌরাবী অমসুং য়ূমথঙনরিবা খুঙ্গং কয়াদগী লাকপা চহী ৭০ গী মথক্তা লৈরবা অহলশিং য়াওনা মশীঙ য়াম্লবা খুঞ্জাশিংনা শরুক য়ারদুনা সি এম ঐচ টি অমসুং পি এম জে এ ৱাই কার্দকি খুদোংচাবশিং লৌনখি।
শূ- নোম্লগা হিংজরিবা লায়রবা মীয়ামদা অনা- লায়েংগী খুদোংচাবা ফংহন্ননবা খোঙথাঙ অদূ ষ্টেট অমসুং সেন্টর লৈঙাক্কি মায়কৈদগী লৌখৎলকপনি। মালেম পূম্বদা লৈরিবা লৈবাকশিংগী মনূঙদা খ্বায়দগী পাক-চাউনা হেল্থ স্কিম পায়খৎলক্লিবা লৈবাক অমা হায়বা তারবদি ইন্দিয়ানি। মীয়াম্না স্কিম অসীগী কান্নবশিং লৌননবা হোৎনবিয়ূ হায়না মোধূ এন্দ সনাহনবী মেমোরিয়েল ট্রষ্ট পৌরাবীগী সেক্রেটরি ৱাহেংবম জনমেঞ্জয় মৈতৈনা ফোঙদোকখি।
থৌরম অদূ শীনবীরকপগীদমক খুঞ্জাশিংনা হেল্থ সার্বিসেস মনিপুরগী ওফিসিয়েলশিংবু থাগৎপা ফোঙদোরক্লি। ঙরাংগী থৌরমদুদা মীওই ১০০ হেনবগী সি এম ঐচ টি অমসুং পি এম জে এ ৱাই কার্দশিং শাখি।
You may also like
-
অসাম রাইফলসনা পল্লেলদা ঈ দান তৌখ্রে
-
প্লাষ্টিক্কি পোৎলমশিং থিংবগী খোঙজঙ হেন্না কন্সীল্লগনি: দি সি সুভাস
-
ৱক্ফ এমেন্দমেন্ট এক্টকি মায়োক্তা নেস্নেল কনফরেন্স না ৱাকৎ-চেরোল থাঙ্গৎকদৌরি
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে