মনিপুরগী চুরাচান্দপুর দিষ্ট্রিক্ট কি মনূঙচন্না লৈরিবা সিংহাৎতগী কুকি নূপী অমা য়াম্লবা পেনকিল্লর টেব্লেট শিংগা কোন্ননা চেন্নাইদা পুলিসনা ফাগৎপা ঙমখ্রে। টেব্লেট শিংগা কোন্ননা চেন্নাই পুলিসনা ফাগৎপা ঙমখ্রবা নূপী অদূগী মমিং ভূংলিয়াচিং এল্লাইজ রেবেক্কা (৩০) কৌই হায়রি।
মঙোন্দগী চেন্নাই পুলিসনা পেনকিল্লর টেব্লেট ৮,১০০, শেল ওইনা লূপা ১,৬৫০ অমসুং আঈফোন অমা ফংবা ঙমখি । মহাক্না য়োল্লম্লিবা পেনকিল্লর টেব্লেট মখল অদূ টেপেন্টাদোল হায়দ্রোক্লোরাইট টেব্লেট শিংনি। মহাক্না থবক অদূ চত্থদুনা লৈরে হায়বগী অকক্নবা পাউ অমা ফংবদগী চেন্নাই পুলিসনা অখন্নবা টিম অমা থিরুভনমিয়ুর পুলিশ ষ্টেসনগী ইন্সপেক্টর অমনা লুচিংদুনা শেম্লবা মতূংদা মফম অদুদা চঙশীন্দুনা নূপী অসীগী খোঙ্গূল লীখিবগা লোয়ননা মহাকপু টেব্লেটশিং অদুগা কোন্ননা ফাগৎপা ঙমখিবনি হায়রি। মহাক চেন্নাই পুলিসনা থিরুভনমিয়ুর বস ষ্টেন্দ মনাক্ত গী ফাগৎখিবনি।
মহাক্না টেব্লেটশিংদু ওনলাইনগী খূত্থাঙদগী লৈরবা মতূংদা চেন্নাইগী তোঙান তোঙানবা মফমশিংদা কোয়না চত্তুনা য়োল্লম্বনি। হৌখিবা ঈরাই নুমিত্তা মহাকপু চেন্নাইদা লৈবা লোকেল কোর্ট অমদা পুথোক্লবা মতূংদা পুলিস কষ্টদি রিমান্দ লৌথদুনা মখাতাবা ইনভেষ্টিগেসন চত্থবা হৌখ্রে হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে