থা অসিগী ১৮ দা চুরাচান্দপুর দিষ্ট্রিক্ট পুলিসনা চত্থরকখিবা ৱার এগেন্স দ্রগ কেম্পেইনগী মখা তারকপা খোঙথাঙ অমদা দিষ্ট্রিক্ট অসীগী জোভেং এরিয়াদগী য়াম্লবা য়ুঙৌ অমসুং য়ুঙাংশিং ফাগৎপা ঙমখ্রে।
চুরাচান্দপুর দিষ্ট্রিক্ট পুলিসনা ফাগৎপা ঙমখ্রবা লিকরশিং অদুদি কেন বিয়র ৬৪,বিয়র বোট্টল ২৫, এপ্পল অমসুং গ্ৰেপ জুইস ২৪, সোজু বোট্টল বোট্টল ১২, ইন্দিয়ান মেদ ফোরেন লিকর ( আই এম এফ এল) ক্বার্টর বোট্টল ২৩,আই এম এফ এল ফুল বোট্টল ২০, হাল্ফ বোট্টল ১১, য়ুঙৌ লিট্টর ১৭৫ ফাগৎপা ঙমখিবনি হায়রি।
ফাগৎলকখ্রবা লিকরশিং অদু চুরাচান্দপুর পুলিস ষ্টেসনগী কমপ্লেক্সতা মৈ থাদোক্তুনা মাঙহনখ্রে। দিষ্ট্রিক্ট পুলিসনা মখা তানা দ্রগ অমসুং লিক্করগী মায়োক্তা হেন্না কনশীনবা দ্রাইভশিং চত্থখিগনি লোয়ননা মরাল লৈবশিং আইনগী মখাদা থবক লৌখৎনবা হোৎনখিগনি হায়রি।