আজাদিকা অমরিট মহটসভকা মরী লৈননা শ্বাচটা এক্সন প্লান-২০২৪-২৫ গী মনূংচন্না কৈরাউ এসেম্বলী কন্সটিট্যুয়েন্সিগী মনূংচন্না লৈরিবা চনম সন্দ্রোক ময়ায় লৈকায়দা লৈবা লাই হরাওবূংদা ঙরাং ফ্রী হেল্থ কেম্প অমা পাঙথোকখ্রে। রিজনেল ইন্সটিটিউট অফ মেদিকেল সাইন্সেস (রিমস) অমসুং কৈরাউ এ সিগী চনম সন্দ্রোক লাই হরাওবা দেভলপমেন্ট অথোরিটি অনীনা খূৎশম্নরগা পাঙথোকখিবা ফ্রী হেল্থ কেম্প অদুদা মীওই ২৫০ রোম লায়েংখি।
চনম সন্দ্রোক লাই হরাওবা দেভলপমেন্ট অথোরিটি অসীগী সেক্রেটরি ইরেংবম বির্জিট মৈতৈনা ফোঙদোরকখিবা মতূং ইন্না, হৌজিক মনিপুরদা থোক্লিবা হীংশাগী ঈরাং মতমসিদা খুঙ্গংগী মীয়ামনা অনা-অয়েকশিং য়াওরকপা মতমদা ইম্ফালদা লৈরিবা হোস্পিটালশিংদা লায়েংবগীদমক চত্থোক-চৎশীন তৌননবা হোৎনবদা খুদোংচাদবা কয়ামরুম মায়োক্নরি। অসীগুম্বা খুদোংচাদবা কয়ামরুম অসীদগী খরদা ওইরবসু শাফনবগীদমক অমসুং মীয়ামগী হকশেলগী ফীভম ফগৎহন্দুনা মশা-মউ ফবা খুনাই অমা শেমগৎনবা পান্দমদা হেল্থ কেম্প অদূ পাঙথোকপনি হায়খি।
গাইনিকোলোজি, আই, ঈ এন টি, পেদিয়াট্রিক্স, মেদিসিন্নচিংবগী হীরমশিংদা রিমসকি খঙ-হৈরবা দাক্তরশিংনা অনাবশিং লায়েংখি। অনাবা মীওইশিংদা হীদাক-লাংথকশিংসু লেম্না য়েন্থোকখিবা থৌরম অদুদা রিমসকি দাক্তরশিংনা কত্থোকপগা লোয়ননা লমদম অদোমগী মীয়ামগীদমক য়েংলগা লেম্না লায়েং চত্থবিখিবা অদূগীদমক বির্জিটনা থাগৎপা ফোঙদোকখি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে