মনিপুর তম্পাক্কি মৈতৈ ফূরুপকি এম এল এশিং অসি অমগা অমগা মোৎ অমত্তা তিন্নদে, মরৈবাক মরমদমগী করিমত্তা খন্দে। শক্তি য়াওদ্রবা, ফঙ্কসন তৌবসু ঙমদ্রবা বি জে পিগী দব্বল ইঞ্জিনগী লৈঙাক অসীদি বি জে পিগী এম এল এ, মিনিষ্টরশিং অসীনা খূৎনা ঈল্লগা লেঙহল্লিবনি। হৌজিক থোক্লিবা হীংশাগী ঈরাং অসীগা মরী লৈননা ওইথোকপা য়াগদবা, কনক্রিট ওইবা থবক অমত্তা সেন্টর অমসুং ষ্টেট অসীদা লৈরিবা বি জে পিগী লৈঙাকশিংনা পায়খৎপা ঙমদ্রে হায়না কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী কোর্দিনেটর সোমোরেন্দ্রো থোকচোম্না ফোঙদোকখ্রে।
ঙরাং লম্ফেলদা লৈবা কোকোমিগী ওফিসতা পাঙথোকখিবা পাউগী মীফমদা মহাক্না ৱাফম অসী ফোঙদোরকপনি। মহাক্না হায়, মীয়ামগী ওইবা লূপ অসীনা সেন্টর অমসুং ষ্টেট লৈঙাক্কি মফমদা পোইন্ট নিপান য়াওবা মেমোরেন্দম অমা পীশীনখ্রে। হৌজিক ঐখোয়দা মথৌ তারক্লিবসি তোখায় তোখাইবা ৱাখল্লোন্দা লৈনদুনা ঐখোয় মশেল মরক্তা য়ৈখায়-থিঙ্গাইবগী থবকশিং তৌদুনা অপূনবগী পাঙ্গল অমা শাগৎনবা হোৎনবদা অপনবা কয়া পীরিবসি থাদোকহনবা মথৌ তারি হায়না মহাক্না ফোঙদোকখি।
মীয়ামদা অপূনবগী শক্তম শাগৎহন্ননবা মফম কয়াদা কোয়না চত্তুনা পাক-সন্না ৱাখল তামিন্ননবা মীফমশিং লাক্লিবা দিসেম্বর অনীদগী চত্থবা হৌরগনি হায়নসু মহাক্না ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর