সি.ই.এ.তি.না অৱাং নোংপোক ভারত্তা মাগী রিতেল প্রজেন্স পাকথোক চাউথোকহনখ্রে

ভারতকী মকোক থোংবা তাইয়র মেনুফেকচর্র অমা ওইরিবা সি.ই.এ.তি.না অগরতলা, ত্রিপুরাদা অনৌবা প্রিমিয়ম রিতেল ফেসিলিতী অমা শঙ্গাদুনা অৱাং-নোংপোক লমদমদা মাগী অচেৎপা ফিরেপ মখা তানা মপাঙ্গল কনখৎহল্লে। পাকথোক-চাউথোকপা অসিনা সি.ই.এ.তি.গী কস্তমর-সেন্ত্রিক গ্রোথতা মীৎয়েং থম্লিবা অমসুং অৱাং নোংপোক লমদম পুম্বদা এক্সেসিবিলিতী অমসুং সর্ভিস হেনগৎহন্নবা হোৎনরিবা অদু উৎলি। লমদম অসিদা ফোর-হ্বীলর য়োনবগী চাং লেপ্তনা হেনগৎলকপগা লোয়ননা, সি.ই.এ.তি.না প্রিমিয়ম রিতেলগী প্রজেন্স অসি পাকথোক-চাউথোকহন্দুনা কস্তমরশিংগী হেনগৎলক্লিবা দিমান্দশিং ফংহন্নবা অচৌবা পোতেন্সিএল অমা উরি।

থৌরম অদুদা ৱা ঙাংলদুনা, সি.ই.এ.তি.গী এম.দি. অমসুং সি.ই.ও. অর্নব বেনর্জীনা হায়খি, “সি.ই.এ.তি.দা, ঐখোয়না ঐখোয়গী কস্তমরশিংগী মথৌ তাবশিং অমসুং খুদোংচাবশিংবু মরুওইনা লৌরিবা ঐখোয়গী “কস্তমর ফার্স্ত” ফিলোসোফীনা লমজিংলি। অৱাং-নোংপোক লমদম অসি মাগী অখন্নবা জিওগ্রাফিক অমসুং ইনফ্রাস্ত্রকচরগী মওং-মতৌগা লোয়ননা তায়র ইন্দস্ত্রী চাউখৎনবগী অচৌবা পোতেন্সিএল অমা উৎলি। সি.ই.এ.তি.না লমদম অসিদা হেন্না থুনা দেলিভরী তৌবা, হেন্না ফবা সর্ভিস অমসুং কস্তমর এক্সপরিয়েন্স হেন্না ফগৎহন্নবগীদমক্তা স্ত্রেতেজিক ওইনা মাগী প্রজেন্স অসি পাকথোক চাউথোকহল্লি। অৱাং-নোংপোক লমদম অসি ঐখোয়গী মরু ওইবা কৈথেল অমনি অমসুং মফম অসিদা ঐখোয়গী অচৌবা প্রজেন্স অসিনা লমদম অসিদা খ্বাইদগী ফবা প্রদক্তশিং অমসুং লম্বা লৈত্রবা সর্ভিস ক্বালিতীগা লোয়ননা থবক তৌনবা ঐখোয়গী অচেৎপা ফিরেপ অদু উৎলি।”

সি.ই.এ.তি.না অপুনবা প্রিমিয়াম আউতলেৎ ১৮ অমসুং অসাম, নাগালেন্দ, ত্রিপুরা, মনিপুর, মিজোরামদা রিতেল তচপোইন্ত ৯০০ হেন্না লৈরি অমসুং অরুনাচল প্রদেশ অমসুং মেঘালয়দা পাকথোক চাউথোক্নবা থৌরাং তৌবগা লোয়ননা অৱাং-নোংপোক্তা মপাঙ্গল কনবা রিতেল ফুতপ্রিন্ত অমা শেমগৎলে। অরুনাচল প্রদেশ অমসুং মেঘালয়াদা চাউখৎনবা থৌরাং তৌরি। মাগী মপাঙ্গল কনবা নেৎৱার্ক অসিনা অৱাং নোংপোক্কী রাজ্য খুদিংমক্তা প্রিমিয়ম প্রদক্তশিং অমসুং সর্ভিসশিং অসি কস্তমরশিংদা ফংহনগনি।

মসিগী পাক চাউবা দিস্ত্রিব্যুসন নেৎৱার্ক, লাক্কদৌরিবা প্রোজেক্তশিং, অমসুং প্রিমিয়ম রিতেল এক্সপরিয়েন্সতা মীৎয়েং থমদুনা, সি.ই.এ.তি.না অৱাং নোংপোক্কী কস্তমরশিংদা ক্বালিতী তাইয়রশিং হেন্না ফংহনবদা পান্দম থম্লি। কম্পনীগী হোৎনরিবশিং অসি দিলরশিং অমসুং সব-দিলরশিংগা লোয়ননা অচেৎপা মরী শেমগৎতুনা, থবক ফংহন্নবগী খুদোংচাবা শেমগৎতুনা, অমসুং লোকেল কম্ম্যুনিতীদা মতেং পাংদুনা লমদম অসিগী শেন্মিৎলোন চাউখৎহনবদা মতেং পাংনবা মাগী মিসন অদুগা চুনৈ। শ্রী বেনর্জীনা অগরতলাদা নৌনা শঙ্গাখিবা সি.এফ.এ. অসিনা সি.ই.এ.তি.গী অৱাং নোংপোক্তা লৈরিবা মাগী প্রজেন্স অদু মপাঙ্গল কনখৎহন্নবা হোৎনবদা অতোপ্পা মাইলস্তোন অমা ওইরে। চাউরাক্না মিলিয়ন 3.7গী মীশিং লৈবা অৱাং নোংপোক থংবা ত্রিপুরা রাজ্যদা লৈবা অগরতলা অসি মাগী কোনুং অমসুং মরুওইবা কমর্সিএল হব অমা ওইনা মথৌ তৌই।  ফেসিলিতী অসি ত্রিপুরা অমসুং য়ুম্লোন্নরিবা মফমশিংদা লৈবা কস্তমরশিংগী হেনগৎলক্লিবা দিমান্দশিং ফংহন্নবা দিজাইন তৌবনি। মসিদা পেসেঞ্জর কারশিং, চাকা অনিগী অমসুং কম্মর্সিএল ভেহিকলশিংগীদমক অৱাংবা পর্ফোমেন্সকী তেয়রশিংগী পাক চাউবা মখল অমা পীরি।