হৌজিক জর্মনিগী বরলিন দা চত্থরিবা বরলিন জুনিয়র য়ুরোপিয়ন ওলেম্পিক কপ- ২০২৫ অসীদা জুদোকা মশান্নগী ওইনা মনিপুরদগী লিন্থোইঙম্বি চনম্বম্না ইন্দিয়াগী গোল্ড মেদল লৌবা ঙম্বা ইহান হানবা শান্নরোয় ওইখ্রে। মহাক ময়াং ইম্ফালদগীনি। মহাক্না ইন্দিয়াগী ওইনা গোল্ড মেদল লৌবা ঙম্বা অহানবা জুদোকান অমা ওইরক্তুনা পুৱারি শেমখিবদা মায়কৈ কয়াদগী থাগৎনরক্লি।
ওলেম্পিক কপ অসীদা লিন্থোইঙম্বি চনম্বম্না পোলেন্দগী শান্নরোই অমবু মায়থীবা পীরম্লগা গোল্ড মেদল লৌবা ঙম্লকখিবনি। মহাক্না হৌখিবা কুমশিং ২০২২ দা শাহজেবো দা পাঙথোকখিবা ৱারল্ড চেম্পিয়ন্সিপ্তসু কেজি ৫৭ কি কেটাগোরিদা ৱারল্ড টাইটল লৌবা ঙমখ্রবনি। হন্দক্কি ওলেম্পিক কপ অদূদা মালেমগী লৈবাক ৩৭ তগী জুদোকা শান্নরোয় ৬১৮ না শরুক য়াখিবনি।
মহাক্না চাউনা মায় পাক্লকখিবা অসীগী ক্রেদিট মহাক্কি ইমূঙ-মনূঙগী মীওইশিং অমসূং মহাক্কি কোচতা পীখি। মশাগী চহী ৮ শুরকপা মতমদগী লিন্থোইঙম্বিনা জুদোকা মশান্না অসী মহাক্কি কোচ এ সুর্জিগী মখাদা থৱায় য়াওনা শান্নরকখিবনি হায়রি।লিন্থোইঙম্বিনা হন্দক গোল্ড লৌরকখিবসি কেজি ৬৩ গী কেটাগোরিদনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে