বংলাদেসকি হান্নগী প্রাইম মিনিষ্টর শৈখ হসিনা অসী হৌজিক ইন্দিয়াদা চঙজফম লৌদুনা লৈরিবনি, অদূম ওইনমক মহাকপু বংলাদেসতা পুরক্তুনা ট্রায়েল চত্থবা য়াহন্ননবা ইন্টরপোলগী মতেং লৌননবা লৈবাক অদূগী ইন্টরিম গভর্নমেন্টনা অকনবা থৌরাং লৌখৎলি হায়রি। মফম তাখ্রবী হান্নগী প্রাইম মিনিষ্টর শৈখ হসিনা, মহাক্কি মতমদুগী কেবিনেট কল্লিগশিং, অতৈ লুচিংবশিং অমদি অৱামি লিগকি লুচিংবশিং পূম্নমক্কি মথক্তা স্পেসিয়েল ট্রাইব্যুনেল অমনা ট্রায়েল চত্থরগনি হায়বা ৱাফম ইন্টরিম লৈঙাক অসীনা মমাঙদা লাউথোকখিবসু লৈখ্রবনি।
মখোয়না মীওইবা খুন্নাইগী মায়োক্তা অচৌবা ক্রাইম কয়া চত্থদুনা মরালশিং লঙজখি হায়না ইন্টরিম লৈঙাক অসীনা অকনবা মওংদা মরাল কয়ামরুম শীরিবনি। বংলাদেসতা দিসক্রিমিনেসন চত্থরকপগী মায়োক্তা অকনবা খোঙজঙ চঙশীনখিবা মহৈরোয়শিংগী মথক্তা শৈখ হসিনাগী মতমদুগী লৈঙাক্না অকনবা ওর্দর তৌদুনা মীওৎ- মীনৈ চত্থহনখি হায়রি। চহী অসীগী জূলাই-আগষ্ট থাদা চঙশীনখিবা মহৈরোয়শিংগী অকনবা ঈহৌ অদূদা মহাক্কি ওর্দর মখাদা সেক্যুরিটি ফোর্সনা চত্থখিবা কা হেনবা এক্সন্দা মহৈরোয় কয়া অশোক- অপন নংহনখিবতা নত্তনা কয়া অমসু শিহনখিবনি।
মদুগী মতূংদা লৈবাক অদূগী মফমশিং শীন্থুংনা মীয়াম হৌরক্তুনা অকনবা, হীংশা য়াওবা খোঙজঙ চত্থরকখিবদগী কা হেন্না ফীভম লুশিল্লকপদগী মহাক ফম থাদোক্লম্লগা ইন্দিয়াদা লোন্না চেনখিদুনা চঙজফম লৌদূনা লৈরক্লিবনি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা