চৎলিবা চহী ২০২৪ গী হৌখিবা আগষ্ট ২৩ দা পারলিয়ামেন্ট মীফমদা মনিপুরদা হৌজিক থোক্লিবা হীংশাগী ঈরাঙ অসী মপান্দগী লোন্না, আইন কায়না চঙশীল্লকখিবা ইল্লিগেল দ্রগ মাফিয়াশিংনা থোকহনবনি হায়খিবা লৈখ্রবনি। লৈবাক অসীগী হোম মিনিষ্টর অমনা পারলিয়ামেন্ট মীফমদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি হায়না লম্লাই কেন্দ্রগী এম এল এ খোংবান্তাবম ইবোমচানা ফোঙদোকখ্রে। মদুগী মখা তারকপদা ইন্দিয়া লৈঙাক্কি ফোরেন পোলিসিগী মখাদা ইল্লিগেল ইম্মিগ্ৰেন্টশিং খন্দোক্নবা থবক থৌরমশিং পায়খত্তুনা লাক্লি।
ম্যান্মারগা তাইনরিবা ইন্টরনেস্নেল বোর্দর অসীগী শম্বল মতমগা চানবা মওংদা খাজীনবগী থবক থৌরমশিং পায়খৎপসু হৌরক্লি। হন্দক অমিট শাহানা ঙরাং-নহান টি ভি চেন্নেল অমগী ইন্টরভিয়ুদা মনিপুরগী হৌজিক থোক্লিবা হীংশাগী ঈরাঙ অসী কাঙলূপ অনীগী মরক্তা থোকপা ঈরাংনি, মসীগী সোল্যুসন অমা অথুবা মতমদা পু্রক্ননবা থবক পায়খৎলি হায়না ফোঙদোরকখিবা অদূ মশাগী দাইত্য অমত্তা য়াওজদবা লুচিংবা অমগী শাজৎনি।
মদূ অমিট শাহানা চুম্না খন্থবা ৱাৎপগী মমি তাই হায়না ইবোমচানা মখা তানা ফোঙদোরক্লি। খুমন লম্পাক্তা হাংলিবা রিলিফ কেম্পতা হন্দক নৌনা ফংজবা অঙাং অহুম পূন্না ইপান থাবগী থৌরম পাঙথোকখিবা অমদা শরুক য়াখিবা এম এল এ অসীনা ৱাফম অসী ফোঙদোকখিবনি।
You may also like
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর
-
পূখ্রি ওল্লবা ইম্ফাল পাঙ্গৈ-পুখাউ রোদ খোয়শাওনরবা মীয়াম্না মতম কক্তনা থিংজিনখ্রে