নুংশিত্তা অমোৎপগী শরূকশিং কা হেন্না য়াওশীল্লক্তুনা মীয়ামগী হকশেলদা কা হেন্না অকীবা পীরক্লিবা নেস্নেল কেপিটেল দিল্লিদা হৌজিক মায়োক্নরিবা এয়র পোল্যুসনগী অকিবা অদূ খরমখৈ হন্থহন্ননবা পান্দমদা নেস্নেল কেপিটেল অসীগী লৈঙাক্না ক্লাউড সিদ্দিংগী থবক পায়খৎনবা ৱাফম খন্নবা হৌখ্রে।
এয়র ক্বালিটিগী ফীভম নোংমা নোংমগী ফৎচীল্লক্তবনা মীয়ামগী হকশেলদা চাউনা অকায়বা থোক্লকপা য়ারিবা কয়া অদূগী য়েংলগা ঈশীং-নুংশিৎ খরমখৈ শেংহন্ননবা ব্রোদর ষ্ট্রেটেজিগী শরুক অমা ওইনা ক্লাউড সিদ্দিংগী থবক পায়খৎনবা খন্নরকপনি হায়রি। হৌখিবা য়ূমশকৈশা নুমিত্তা দিল্লি লৈঙাক্কি এনভাইরনমেন্ট মিনিষ্টর মঞ্জিন্দর সিংহ সির্সানা ফোঙদোরকখিবা মতূঙ ইন্না, লাক্লিবা নুমিৎ খরা অসিগী মনুঙদা দিল্লি কেবিনেটকি মীফম পাঙথোকপগা লোয়ননা খূৎশেম্না ক্লাউড সিদ্দিংগী থবক পায়খত্তুনা নোং তাহন্ননবগী প্রোপোজেল অসী কেবিনেত্তা পুখৎলগনি হায়খি। মথঙগী চয়োলদা তোঙানবা পোল্যুসন এক্সন প্লান অমসু লোঞ্চ তৌরগনি।
অরোয়বা ওইনা য়ানবগী থাক্তা লৈরবা ক্লাউড সিদ্দিংগী প্রোপোজেল অসী য়াম্না শারবা কালেন্থাগী মতমদা লৈঙাক্না মতম খরগী ওইনা খূৎশেমগী নোং তাহন্ননবা পান্দমদা লৌখৎপা থৌরাং অমনি হায়বা ৱাফম ফোঙদোকখি। মসিনা পোল্যুসন থোকপগী চাং হন্থহনগনি হায়না মিনিষ্টর অসীনা ফোঙদোকখি। কেবিনেট না অয়াবা পীরক্লবা মতূঙদা নো ওবজেক্সন সার্টিফিকেটশিং ফংননবা মরী লৈনবা থবক- থৌরমশিং য়াম্না থুনা পায়খৎলগনি হায়না মহাক্না মখা তাখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে