এয়র ইন্দিয়া এক্সপ্রেসনাইম্ফালদগী ফ্লাইৎশিং হেনগৎহনখ্রে

এয়র ইন্দিয়া এক্সপ্রেসনা মাগী ৱিন্তর সেদ্যুলগী শরুক ওইনা ইম্ফালদগী মাগী ফ্লাইৎশিং হেনগৎহনখ্রে। এয়রলাইন্না সিজন অসিদা মাগী চয়োলগী ফ্লাইৎশিং ৩৪দা হেনগৎহনখ্রে – মমাংগী নীংথম থাদগী চয়োলগী ফ্লাইৎ২০ হেনগৎলি। অহেনবা ওইনা এয়রলাইন অসিনা নোংপোক্কী মরু ওইবা মেত্রো সিতী, কোলকাতাদগী মাগী ওপরেসনশিং অসি চয়োলদা ফ্লাইৎ ১৬০দা হেনগৎহনখ্রে। মসিদা কোলকাতাগা শ্রী-বিজয় পুরম (পোর্ত ব্লেয়র) অমসুং ইন্দোরগা শম্নহল্লিবা অনৌবা দাইরেক্ত রুৎশিং য়াওরি। ইম্ফালদগী ইনফ্লাইৎ ওপরেসনশিং হেনগৎলকপগী মতাংদা ফোংদোক্লদুনা এয়র ইন্দিয়া এক্সপ্রেসকী চীফ কম্মর্সিএল ওফিসর, দা. অনকুর গার্গনা হায়, “ঐখোয়গী ওপরেসনশিং শরুক অনি হেনগৎহনবগা লোয়ননা ঐখোয়না ইম্ফালদগী ঐখোয়গী ৱিন্তর সেদ্যুল হেনগৎহল্লে হায়না লাউথোকপদা নুংঙাইবা ফাওই। ইম্ফাল-গুয়াহাতি সেক্তরদা নোংমদা ফ্লাইৎ অহুমগা লোয়ননা খ্বাইদগী চাউবা ওপরেতর ওইদুনা ঐখোয়না অৱাং নোংপোক লমদমদা কন্নেক্তিবিতী হেনগৎহন্নবা ৱাশক্লি। মসিগী মথক্তা, ঐখোয়গী কোলকাতাগী দাইরেক্ত ফ্লাইৎশিং অমসুং ভারত শিনবা থুংনা মরুওইবা শহরশিংদা ৱান-স্তোপ কন্নেক্তিবিতীশিংনা লমদম অসিগী ‌ইকনোমিক গ্রোথ অমসুং তুরিজমদা চাউনা মতেং পাংলি”।

মাগী পাকথোক-চাউথোরক্লিবা নেৎৱার্ক শিনবা থুংবদাএয়র ইন্দিয়া এক্সপ্রেসকী ৱিন্তর সেদ্যুল অসি হৌজিক এয়রক্রাফ ৯০ হেন্না লৈবা এয়রলাইন অসিগী হেনগৎলক্লিবা মশিংনা শাহৌ পীদুনা মমাং চহিদগী ৩০% হেনগৎলকখি। নীংথমথাদা এয়র ইন্দিয়া এক্সপ্রেসনা মমাং চহিগী চপ মান্নবা মতমগখী মনুংদা নোংমদা ফ্লাইৎ ৩২৫ হেন্না পাইরম্বা অদুগা চাংদম্নবদা নোংমদা ফ্লাইৎ ৪০০ হেন্না পাইরগনি। হেনগৎহল্লবা সেদ্যুল অসিদা চেন্নাই – গোৱা, চেন্নাই –জয়পুর, চেন্নাই – পুনে, দিল্লী – ইন্দোর, হায়দরাবাদ –গ্বালিয়র. কোচি – পুনে, অমসুং বিসাখাপত্নম – বিজয়ৱাগুম্বা নৌনা হাপচিল্লবা রুৎশিং য়াওরি। মসিগী মথক্তা এয়রলাইন অসিনা দিসেম্বর ১, ২০২৪দগী হৌদুনা অনৌবা লমথুংফম অনি, জম্মু অমসুং শ্রী বিজয় পুরম (পোর্ত ব্লেয়র)দা ওপরেসনশিং হৌরগনি। বেঙ্গলুরু – হায়দরাবাদ অমসুং কোচি – হায়দরাবাদ রুৎশিং অমসুং অবু ধাবি, রাস অল-খাইমাহ অমসুং মস্কত ফাওনরিবা ইন্তর্নেস্নেল রুৎশিংগী ফ্লাইৎশিংগী ফ্রিক্বেন্সীসু হেনগৎহনখ্রে।

এয়র ইন্দিয়া এক্সপ্রেসনা ইম্ফালদগী দোমেস্তিক দেস্তিনেসন অনি, কোলকাতা অমসুং গুৱাহাতিদা দাইরেক্ত ওইনা ফাওনহন্দুনা চয়োলদা ফ্লাইৎ ৩৪ ওপরেৎ তৌরি। মসিগী মথক্তা এয়রলাইনশিং অসিনা বেঙ্গলুরু, ভুবনেস্বর, চেন্নাই, দিল্লী, হায়দরাবাদ, ইন্দোর, জয়পুর অমসুং কোচি য়াওনা লমথুংফম নিপালদা ৱান-স্তোপ কন্নেক্তিবিতী ফংহল্লি। এয়র ইন্দিয়া এক্সপ্রেসনা অগরতালা, বগদোগরা, বেঙ্গলুরু, ভুবনেস্বর, চেন্নাই, গুৱাহাতি, হায়দরাবাদ, ইম্ফাল, ইন্দোর, জয়পুর, কোচি, শ্রী বিজয় পুরম (পোর্ত ব্লেয়র), সুরত অমসুং বারানসী য়াওনা দোমেস্তিক দেস্তিনেসন ১৪দা কোলকাতদগী দাইরেক্ত কন্নেক্তিবিতী পীনবা চয়োলদা ফ্লাইৎ ১৬০ ওপরেৎ তৌরি। মসিগী মথক্তা এয়রলাইন অসিনা দোমেস্তিক দেস্তিনেসন ১১: দিল্লী, গোৱা, গ্বালিয়র, কোচিকোদ, লখনৌ, মেঙ্গলুরু, মুম্বাই, পুনে, তিরুবনন্থপুরম, বিজয়ৱাদা অমসুং বিসাখাপত্নম অমসুং ইন্তর্নেস্নেল দেস্তিনেসন মাপন: অবু ধাবি, দম্মাম, দোহা, দুবাই, জেদাহ, কুৱেত, রিয়াধ, শারজাহ অমসুং সিঙ্গাপুরদা ৱান-স্তোপ কন্নেক্তিবিতী পীরি।