চহী ৪ ফারক্কদৌরবা মনিপুরগী হীংশাগী ইরাঙ অসী, মনিপুরগী কেন্দ্র ৬০ লৈরিবা অসীগী মনূঙদগী বি জে পিগী এম এল এ ওইরিবা কুকি-জো কম্যুনিটিগী মীওই ১০ অদূ খাইদোকখ্রবসু, লেমহৌরিবা এম এল এ ৫০ অসিনা পূকচেল শেংনা মনিপুর মীয়ামগীদমক কত্থোকপগা লোয়ননা থবক তৌরম্বা ওইরবদি মতম কয়াগী মমাঙদা মহৌশাগী পুন্সিদা হঞ্জিন্দুনা লৈরম্বা য়ারবনি হায়না ফাউন্দেসন ফোর রুরেল অর্বান দিবেলপমেন্ত কি প্রসিদেন্ট এল তোম্বনা ফোঙদোকখ্রে।
পাউমীশিংদা মহাক্না হায়, এম এল এ, মিনিষ্টরশিং অসিনা মশাগী ইমূুং অমসুং শাগৈ-নাতৈখক্কি নুঙাইরগা লোইরে খন্দুনা তুমিন্না লৈশিনখিবদগী মীয়াম অসি অসূক্কি মতীক অৱাবা কয়া মায়োক্নরগা লৈরি। কুকি-জো মিলিটেন্টশিংনা অউ-অউবা মৈতৈ অমসুং নাগা কয়া হাৎলি, অদুগা ঐখোয়গী এম এল এশিং অসিনা ঈমূঙদা মৈফূ য়াইদুনা লৈরি। মীয়াম্না লম্বী-লমজাওদা মচা-মশু কায়নখিবগী মীকপ-মীরাওখোল মরক্তা অৱাবা মৈচাক খাঙলিবসি অমুক্তং থোক্লক্তুনা য়েংলবা মতমদু য়ৌরে।
মীয়ামগী মপী-মপা ওইরিবা মিনিষ্টর, এম এল এশিংনা মনিপুর ঈমাবু কনবা মতম য়ৌদ্রিবরা হায়না সোসিয়েল এক্টিভিষ্ট অসিনা মরী লৈনবশিংগী পূক্নীং চিংশিল্লক্লি।
You may also like
-
অনাল ফূরূপকি লৌরোক ফেষ্টিবেল মপুঙফানা পাঙথোকখ্রে
-
পূং ২৪ দা মনিপুরদা মীওই ১৪ পোজিটিব ওইখ্রে
-
মরিং কম্যুনিটি শগী অৱাৎ-অপা য়েংশিনগনি হায়বগী থাজবা সিএম্না পীখ্রে
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে