আই সি আই সি আইগী পেট গ্রোথ অসি ক্রোর ৭৬০ ফাওবা যৌনা হেনগৎহনবা ঙমখে

আই সি আই সি আই লাইফ ইন্সুরেন্স লিমিটেদকী বোর্দ ওফ দিরেক্টর্সনা চৎলিবা কুমশিং ২০২৬কী সেপ্টেম্বর ৩০ ফাওবদা লৈখিবা শেনবা চহীগী ক্লার্টর অদু ফাওবগী ফাইনান্সিএল রিজল্ট এদোপ তৌদুনা অয়াবসু পীঘ্রে। শেনবা হচী ২০২৭কী অহানবা তত্ত্বাই ফাওবদা কম্পেনি অসিগী রিটেল প্রোটেক্সন অসি চহী- চহীগী ওইনা চাদা ৪৭.২গী চাংদা হেনগৎলকখি। মসিগা লোয়ননা এন্নুইটি সেগমেন্টনা চহী অমদগী অমা ফাওবদা চাদা ৫০.০গী চাংদা হেনগৎলি হায়রি।

মসিগী ফল ওইনা, এস্যুর তৌখিবা রিটেল সম অদু চহী অমদগী অমা ফাওবদা লুপা ক্রোর লাখ ২.৩২ হায়বদি চাদা ৩৪.৯ যৌনা হেনগৎহনবা ঙমন্ত্রে। মসিনা তাক্লিবদি শিংথানিং ভাই ওইনা কষ্টমরশিং মশিং হেনগৎহলক্লি, হেন্না পাকথোক-চাউথোক্সা কোনশিনবা ভল্লুকপনি হায়না অপেনবা ফোঙদোরক্লি। কম্পেনি অসিগী অনৌবা বিজি নেস প্রেমিয়মনা চহী-চহীগী ওইনা শেনবা চহী ২০২৭কী অহানবা তঙ্খাই ফাওবদা, ক্রোর ১১,৮২১ হায়বদি চাদা ২৫.০ য়ৌরকপা ঙমখে। ভেল্যু ওফ ন্যু বিজিনেস (ভি এন বি)সু চহী-চহীগী ওইনা চাদা ২২.৩গী চাং য়ৌরদুনা লুপা ক্রোর ১,২৮৩ য়ৌবা ঙমখি। মদুগী মার্জিননা চাদা ২৬.০ ওইখি। প্রোফিট অফটর টেক্স (পি এ টি) না চহী চহীগী ওইনা চাদা ২৬.৫গী চাং যৌনা, মতমসিগী মনুংদা লুপা ক্রোর ৭৬০দা হেনগৎলকথে হায়বা রাফম থম্লক্লি।

আই সি আই সি আই লাইফ ইন্সুরেন্স লিমিটেদকী চীফ ওপরেটিং ওফিসার (সি ও ও) সিধারথা মিশ্রানা হায়, কম্পেনি অসিগী খাইদগী মরু ওইবা মীংয়েং দি কষ্টমরশিংদা খাইদগী নুং ঙাইরবা অমদি খুদোংচাবা ফং হনবা হায়বসিনি। লাক্লিবা, মতুগী চহীশিংদসু কম্পেনি অসিনা কষ্টরমশিংদা মপুং ফানা কান্নহনগদবা মখলগী থবক- থৌরমশিংদা অহেনবা মীংয়েং থম্লগা চঙশিনগনি। কষ্টমরশিং শোয়হন-ঙামহন্দবা, মখোয়গী অনীংবশিং থুংহন্নবা হোৎনবনা কম্পেনি অসিগী মরু ওইবা পান্দম ওইদুনা ইন্দিয়াগী মীয়াম অসিগী থম্মোয়নুংদা ফাওরিবা ইথিলশিং অদু মঙফাওনহন্নবা অশানবা মীৎয়েংগা লোয়ননা থবক পায়খৎকনি হায়খি।