তরাহুমদোইশুবা ষ্টেট এসেমব্লিগী মীখল মতম নকশীল্লকপগা লোয়ননা মীখলগী শেম-শাবগী তশেং-তশেংবা খূদম অমদা, খূরাই কেন্দ্রগী এম এল এ লৈসাংথেম সুসিন্দ্রোনা, হৌখিবা নোংমাইজিং নুমিত্তা মহাক মশাগী খূরাই তিন্সিদ রোদ সাজোর লৈকায়দা লৈবা য়ূমদা মরূওইবা মীফম অমা পাঙথোক্তুনা অনৌবা স্কিম অমগী অনীশুবা য়ুনিট হৌদোকখ্রে।
তামোহল হায়না খঙনখ্রবা স্কিম অদূ লোঞ্চ তৌখিবা থৌরমদুদা মহাক্কি খূরাই কেন্দ্রগী তোঙান তোঙানবা মফমশিংদগী লাকখিবা, নূপীশিংনা মশীঙ য়াম্বা, মীওই লিশীং তরাগী মথক্তা তিনখি। মমাঙদা অতোপ্পা কেন্দিদেটশিংগী মরূওইবা ৱার্কর ওইনা লৈরম্বা মীওই ৩,০৮২ না লৈসাংথেম সুসিন্দ্রোদা শৌগৎলে হায়না থৌরমদুদা লাউথোকখিবগা লোয়ননা মখোয়বু তরাম্না ওকপগী সেসন অমসু পাঙথোকখি।
এম এল এ অসীনা তামোহল কৌবা স্কিম অসী হৌদোক্ট্রিঙৈ মমাঙদা ইচেমহল হায়না মিংথোনবা স্কিম অমসু হৌদোকখ্রবনি। ইচেমহলগী মেম্বর ওইরিবশিংদি চহী য়ামখৎলক্লবী, য়ূম পান্দ্রিবি লৈশাবী ঙাক্তা ওইরি। তামোহল হায়রিবা স্কিম অসিদা মেম্বর ওইগদবশিং অদূসু য়ূম পান্দ্রিবা পাখঙ শরী ঙাক্তা ওইগদবনি।
তামোহল অমদি ঈচেমহল হায়রিবা স্কিম অনী অসিগী মেম্বরশিংগী মরক্তা লাইবক তিন্নরমদুনা লৌনা-লৈনরকপা তারবদি এম এল এ সুসিন্দ্রোনা মখোয়গী য়ূম অমা শাবিগনি, লুহোংবদা চঙগদবা শেনফম পুথোকপিরগনি অদূগা কন্যা ওইগদৌরিবি অদূগীদমক অউনপোৎ পূম্নমক পুথোকপিরগনি হায়খি।
You may also like
-
মনিপুর সেন্ত্রেল জেলগী অহানবা রাইজিং দে থৌরম পাঙথোকখ্রে
-
লৈঙাক মতীক চাদবদগী ৱাথোক ময়ামসে লাক্লিবনি: য়ুনিয়ন
-
এন আর সি খূদক্তা অপদেট তৌগদবনি হায়দুনা লিলোংদা ৱাকৎ মীফম চত্থখ্রে
-
রুদা একাদেমি গী মহৈরোয়শিংনা ৱেষ্ট মেনেজমেন্ট প্লান্ট য়েংখ্রে
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম