ইকো নেটৱার্ক মনিপুরগী ভল্লন্টিয়রশিংনা হৈরোক মায়কৈগী ঈচৈ-ঈচলশিং, ক্লবকি থৌমীশিং অমদি মহৈরোয়শিংগা খূৎশম্নরগা হৈরোক হায়র সেকেন্দরি স্কুল মমাঙগী লম্বী অমদি অকোয়বা মফমশিংদা চাইথোক্তুনা লৈরিবা অমোৎ-অকাই, ফত্ত-হৌদিশিং শীৎ-শেংদোকখিবগা লোয়ননা তরু-তন্নানবা হৈরোক অমা ওইহন্ননবা হোৎনরক্লি।
মমাঙদগী হৌনা ইকো নেটৱার্ক মনিপুরগী ভল্লন্টিয়রশিংনা মফম কয়াদা কোয়না চত্তুনা, লূ নাল্লবা লমদম অমা ওইহন্নবা শীৎ-শেংবগী থবকশিং পায়খত্তুনা লাক্লি। মসীগীসু মথক্তা, হেল্থ অমদি অকোয়বগী সেনিটেসনগী ফীভম ফগৎনবা, মীয়াম মশা-মঊ ফনা, নাদ-য়েক্তনা লৈননবা পান্দমদা মরী লৈনবা এৱ্যের্নেস প্রোগ্ৰাম কয়ামরুম পাঙথোক্তুনা লাক্লিবনি। হৈরোক হায়ার সেকেন্দরী স্কুল গী মমাঙথংবা লম্বী অসীগী নাক-য়েৎ অনীমক্তা ঙরাংসু সোসিএল সার্বিস পাঙথোক্তুনা শীৎ-শেংবগী থবক চত্থখ্রে। মীওই কয়ানা অমোৎ-অকায় কয়ামরুম মওং মরীল তাদনা অমদি সিভিক সেন্স য়াওদবা মওংদা লংথোক্তুনা থম্লম্বগী থৌওং অসী মতূঙদা তৌবিগনু, লম্বীগী নাকন্দা মফম চানা থম্লিবা পব্লিক গার্বেজ দম্পিং সাইটশিংদা থাধবিরম্মু হায়না ভল্লন্টিয়রশিং অদূনা ফোঙদোকখি।
হৈরোক পার্ট থ্রী দা লৈরিবা ক্লবকি থৌমীশিং, মফম অদূগী ঈচে-ঈচলশিং, হায়র সেকেন্দরি স্কুল অদূগী মহৈরোয়শিং, এন সি সিগী কেদেটশিংনা শীৎ-শেংবগী থৌরমদুদা শরূক য়াখি।
You may also like
-
জিরিবামদা য়ূম খরা মৈ থারম্লে
-
খনগৎলবা প্লেয়র মহৈরোয়শিং ইন্টর্নেস্নেল টুর্নামেন্ট দা শরূক য়ারুনবগীদমক ইম্ফাল থাদোকখ্রে
-
জোমি কাঙলূপ্না “কুকি-জো সূ গ্ৰূপ” হায়বামিংথোল পামদে হায়না ক্লেইম তৌরক্লে
-
জে এফ দিগী থৌমী অহূম ফাজীনখ্রে, খোঙজঙসু কন্সীনখ্রে
-
সি আর পি এফকি ১২০ শুবা বট্টালিয়ন্না শীনবা ফুটবোল টুর্নামেন্ট হৌদোকখ্রে