কুকি অমদি জোমি কাঙলূপ অনীগী মরক্তা উংখৎনবগী চাং নোংমা-নোংমগী হেঙ্গৎলক্লি। য়ুনাইটেদ পিপলস ফ্রন্ট (য়ু পি এফ) কি মখাদা লৈরিবা জোমি গ্ৰূপশিংবু “কুকি-জো সূ গ্ৰূপ” কি মনূঙ চলহনবা য়ারোই হায়না জোমি রিভোল্যুসন্নরি আর্মী (জেট আর এ) , জৌ দিফেন্স ভল্লন্টিয়র (জে দি ভি) অমসুং জোমি রি-য়ুনিফিকেসন ফ্রন্ট (জেট আর এফ) না থোরকপা চেরোল অমদা ফোঙদোরক্লি।
সেপ্তেম্বর ১০ দা য়ু পি এফ-কে এন ওনা চেরোল অমা থোকখ্রবা মতূঙদা জোমি গ্ৰূপশিংনা থাদোরকপা অতোপ্পা চেরোল অমদা হায়, মরী লৈনবা লিদরশিংগা তানরমদনা থোক্লকখিবা য়ু পি এফ-কে এন ওগী চেরোল অদূ য়াবা ঙম্লোই। জোমিগী তোঙানবা আইদেন্টিটি লৈজৈ। অপূনবগী ওইবা ৱারোল অমা মীয়ামদা ফোঙদোক্লমদাইদা জোমি গ্ৰূপশিং হান্না তান্নরমগদবনি। অতোপ্পা ফূরূপকি মীওইশিংনা মশাগী অনীংবা ৱাখল্লোনশিং ফোঙদোকপদা অকায়বা করিসু লৈতে। অদূম ওইনমক জোমিগা মরী লৈনবা হীরমদা ফোঙদোক্কদবা ওইরবদি ফূরুপ অসীগী লিদরশিং তান্নরমগদবনি। মতূঙ তারকপা মতমদা জেট আর এফ, জেট দি ভি অমসুং জেট আর এবু কুকি-জো সূ গ্ৰূপকি শরূক অমা ওইনা ফোঙদোকপা য়ারোই হায়রক্লি।
লমদমসিদা ঈং-তপ্পা শক্তম পুরক্নবা থৌরাং খূদীঙদদি জোমি ফূরূপ্না মাঙজীল থাদুনা শরূক য়াগনি অদূম ওইনমক জোমি ফূরূপ অসী “কুকি-জো সূ গ্ৰূপ” কি শরূক অমা ওইনা লৌবদি য়াবা ঙম্লোই হায়রি।
