চৎলিবা সেপ্তেম্বর থা অসীগী অহূমগী নুমিদাং পূং ৮:৩০ রোম তাবদা কংগ্ৰেস লেজিসলেচর পার্টিগী লুচিংবা অমদি ৱাংখেম কেন্দ্রগী এম এল এ কৈশাম মেঘচন্দ্রগী য়ূমগী গেট্টা শকখঙদবশিংনা বোম লংশিন্দুনা পোকখায়হনখ্রে। থৌদোক অদূবু লৈকায়গী মীয়াম্না য়াম্না কন্না য়ানিংদবা ফোংদোকখ্রে।
বোম পোকখায়হল্লম্বা থৌদোক অদূগী মতাঙদা ঙরাং ইম্ফালগী বি টি রোদতা লৈবা কংগ্ৰেস ভবন্দা পাউমীশিংগা উনবদা এম পি সি সিগী ভাইস প্রসিদেন্ট হরেশ্বর গোশ্বামীনা হায়, এম এল এ মেঘচন্দ্রগী থোঙ্গালদা বোম লংশিন্দুনা পোকখায়হল্লম্বা থৌদোক অদূ অকনবা মওংদা কন্দেম তৌই। দেমোক্রেসি চৎপা লমদম অমদা অকন-অরীং শীংদুনা মীওইবগী পুন্সি তেমশীংনরকপসি মতমসিগা য়াম্না চান্নদ্রবা অমনি। কে মেঘচন্দ্রা অসী মনিপুরদা থোক্লিবা হীঙশাগী ঈরাং অসী লোইশিন্ননবা হোৎনদুনা লাকপগী মথক্তা লমদম অসীগী ওইবা ইস্যু কয়াদা অচৌবা থৌদাং লৌদুনা লাক্লিবা, মীয়ামগী লুচিংবা অমনি। হৌজিক চত্থরিবা এসেমব্লি সেসন অসীদসু মীয়ামগী ইন্টরেষ্টতা মহাক্না ঙাঙবা-শকপদা পেন্দবা অমদি হায়হন্নিংদবা মতাং য়াওবদগী থৌওং অদূ চত্থরম্বরা হায়বগী চিংনবসু লৈ।
পেন্দবা কয়া লৈরবসু ৱারী শান্নবগী তাঞ্জা অমা পীফম থোকপনি হায়না গোশ্বামীনা ফোঙদোকখি।
You may also like
-
শ্রি শ্রি গোবিন্দজিউগী মপোক নুমিৎ ফোঙখ্রে
-
বেজ ইয়র য়াওদনা এন আর সি অপদেট তৌবা য়ারোই: জে এফ দি
-
টাটা কন্সল্টেন্সি সার্বিসেসনা টি সি এস রুরেল আই টি ক্বিজগী ২৭ শুবা এদিসন লোঞ্চ তৌখ্রে
-
বন্দ তৌবা, লম্বী থিংবা, পোৎ-চৈ মাঙহনবশিংগী মথক্তা অকনবা এক্সন লৌখৎকদৌরি
-
মণিপুর ইরাং ২০২৩ দগী হৌনা মীওই ৩০৬ সিখ্রে, ৪৯ মাংখিবা লৈরি