টাটা কন্সল্টেন্সি সার্বিসেসনা টি সি এস রুরেল আই টি ক্বিজগী ২৭ শুবা এদিসন লোঞ্চ তৌখ্রে

আই টি সার্বিসকি মতাঙদা গ্লোবেল লিদর অমা ওইরিবা টাটা কন্সল্টেন্সি সার্বিসেস ((টি সি এস) অমদি দিপার্টমেন্ট ওফ ইলেক্ট্রোনিক্স, আই টি এন্দ বি টি, গভর্নমেন্ট ওফ কার্নাটাকা অনিনা টি সি এস রুরেল আই টি ক্বিজগী ২৭ শুবা এদিসনগী ওইনা রেজিষ্ট্রেসন তৌরক্নবা ৱাফম লাউথোরক্লি।
বেঙ্গলুরু টেক সম্মিট ২০২৬ কি ইন্টিগ্ৰেল পার্ট অমা ওইনা টি সি এস রুরেল আই টি ক্বিজ অসীদা ওনলাইন টেষ্ট, ভর্চুএল ক্বিজ রাউন্দ, অমসুং ইন-পার্সন কম্পিটিসনশিং য়াওগদৌরি। ইন্দিয়াগী অপীকপা সহরশিংদা অমদি দিষ্ট্রিক্টশিংদা ক্লাস আইটতগী টুয়েল্ব ফাওবা তম্লিবা মহৈরোয়শিংনা ক্বিজ অসীদা শরুক য়াগদবনি। সিটি কোর্পোরেসন লিমিটকি মনূঙদা লৈরিবা স্কুলশিংদি কম্পিটিসন অসীদা য়াওবগী খুদোংচাবা পীখিরোই হায়রি।
মসী ইন্দিয়াগী ইহান হানবা আই টি ক্বিজ অমা ওইনা লিমকা বূক ওফ রেকোর্দস না রিকগনাইজ তৌরবা কম্পিটিসন অমনি। য়ং লার্নরশিংদা টেক্নোলোজি অমদি ইন্নোভেসনগী মরমদা হেন্না খঙহন্ননবা লৌখৎলকপা থৌরম অমনি। কম্পিটিসন অসীগী মনূঙ চন্না, রিজনেল ফাইনেল রাউন্দ নিপান চত্থগনি। ৱিন্নর ওইরবশিং অদূ চহী অসীগী নবেম্বরদা বেঙ্গলুরুদা পাঙথোক্কদৌরিবা নেস্নেল ফাইনেল্স দা শরূক য়াহনগনি।রিজনেল ৱিন্নর অমসুং রন্নর্স-অপ তারবশিংদা মথঙশীৎনা লূপা লীশীং তরা অমদি লীশীং তরেৎকি গিফ ভাউচরশশিং পীগদৌরি। নেস্নেল ৱিন্নর অমসুং রন্নর্স-অপ তারবশিংদনা মথঙশীৎনা টি সি এস ইদুকেসন স্কোলার্সিপকি শেনফম লূপা ১০০,০০০ অমসুং ৫০,০০০ পীগনি।
মহৈরোয়শিংনা ক্বিজ অসীগীদমক https://iur.Is/TCSRIT/Quiz2026 তা চহী অসীগী সেপ্তেম্বর ৩০ ফাওবগী মমাঙদা রেজিষ্টর তৌরকপা য়ারগনি হায়রি।