মনিপুরগী ওইনদি সেন্টরনা মীকোক অমসুং য়ূমকোক থীবগী থবক-থৌরম খূদীংমক য়ৈথোরক্কনি হায়বগী চপচাবা থাজবা লৈরে হায়না সি এস ও ১৪, কংলৈপাক্কি কনভিনর শান্তা নহাকপম্না পাউমীশিংদা ফোঙদোরকখ্রে।
লূপ অসীনা তোঙান তোঙানবা কম্যুনিটিশিংগী লিদরশিংগা লোয়ননা দিল্লিদা চত্তুনা, কুমশিং ১৯৫১ দা বেজ ইয়ার ওইরগা ইন্দিয়াগী অশেংবা সিটীজন মশক খঙদোক্ট্রিবা ফাওবা মনিপুরদা সেন্সসকি থবক অমত্তা চত্থবিগনু হায়না সেন্টরগী লুচিংবশিংদা তকশীল্লুরবা মতূঙদা ঙরাং ইম্ফালদা হল্লকখ্রে। ইম্ফাল ইন্টর্নেস্নেল এয়রপোর্টতা পাউমীশিংগা উনবদা শান্তনা হায়, মীহূৎ কাঙবূ অদুনা সেন্টরগী লুচিংবশিং উনদুনা মনিপুরদা এন আর সি অপদেট তৌদ্রিফাও সেন্সস য়ৈথোকপিননবা তকশীনখি। হৌখিবা আগষ্ট ২০ দা মীহুৎ কাংবু অসীনা ন্যু দিল্লিদা থুংখি। সেন্টরগী লুচিংবশিং উননবা হোৎনবদা চিফ মিনিষ্টর য়ূম্নাম খেমচান্দ অমসুং হান্নগী চিফ মিনিষ্টর নোংথোম্বম বীরেননা চাউনা মতেঙ পাংবিখি। মনিপুরগী রুলিংগী এম এল এশিং নসু অচৌবা মতেঙ পাংলকখি হায়খি।
মীহূৎ কাঙবূ অসীনা পুখৎখিবা ৱাফমশিং মুন্না তাবিখিবা সেন্টরগী লুচিংবশিং অদুনা মনিপুর মীয়ামগী অচূম্বা খোঙথাঙ অসীবু তরাম্না ওকপীরকখিবগা লোয়ননা এন আর সীগী থবক হান্না পায়খৎলবা মতূঙদা সেন্সসকি থৌরাংনা মতূঙ তাবদা পায়খৎফম থোকই হায়না ফোঙদোরকখি হায়না শান্তনা ফোঙদোকখি। মনিপুরগী ওইনা অখন্ননা ওর্দর অমা থোক্তুনা সেন্সস অসী য়ৈথোরক্লগনি হায়বগী চপচাবা থাজবা লৈরে হায়না মহাক্না ফোঙদোকখি।
You may also like
-
সেন্সস য়ৈথোক্কনি হায়বগী ওর্দর আগষ্ট ৩১ ফাওবদা থোক্ট্রবদি পূঙ ২৪ গী জেনরেল ষ্ট্রাইক চত্থরগনি: জে এফ দি
-
ফীভম হেন্না শোকচীল্লক্লিবা লোক্টাক পাৎ তা শাগৎনরক্লিবা হোম-ষ্টেশিং মীৎয়েঙ চঙবা মথৌ তারক্লি
-
লৈঙাক্কি ওফিসিয়েলশিংনা মীয়ামগী থৌগল তৌবা কাউরোইদবনি: অনুরাগ বাজপাই
-
চুরাচান্দপুরদা দেঙ্গীগী অকিবা হেঙ্গৎলক্লি, আগষ্ট ৩০ ফাওবা মহৈলোয়শঙশিং ছুটি লাউথোকখ্রে
-
মনিপুরদা সেন্সসকি থবক মতম খরা য়ৈথোরকপা য়াবগী থাজবা লৈরে, আমিট শাহা ওক্টোবরদা লাক্কদৌরি