মনিপুর লৈঙাক্কি এদ্দিস্নেল চিফ সেক্রেটরি ( টেক্সটাইল্স, কম্মর্স এন্দ ইন্দষ্ট্রিজ) অনুরাগ বাজপাই না ইম্ফালগী লম্ফেলপাত্তা লৈরিবা দিরেক্টোরেট ওফ হেন্দলূম এন্দ টেক্সটাইল্সগী কনফরেন্স হোলদা পাঙথোকপা থৌরম অমদা, লৈঙাক্কি ওফিসির, ষ্টাফশিংনা মীয়ামগী সেবা তৌবদা পূক্নীং লূপকদবনি, মীয়ামগী থৌগল তৌদ্রবদি ওফিসিয়েল অমা ওইনা থাগী তোলোব ফংদুনা লৈরুবগী মথৌ তাদে হায়বা ৱাফম ফোঙদোকখ্রে।
দিরেক্টোরেট অসীগী নৌনা খল্লবা গ্ৰূপ-এ অমসুং গ্ৰূপ-বি ওফিসারশিংগী নুমিৎ ১০ গী ইন্দক্সন ট্রেনিং প্রোগ্ৰাম হৌদোকখিবা থৌরমদা বাজপাইনা ৱাফম অসি ফোঙদোকখিবনি। লৈঙাক্কি মখাদা থবক তৌরিবা ওফিসার, লাৱর ষ্টাফশিং অমদি মকোকথোংবা ওফিসিয়েলশিংগী মরক্তা চপচাবা থকশী-খাসি ঙাক্নদুনা, অমনা অমবু ঈকায় খুম্নদুনা কো-ওপরেসন অমদি কোর্দিনেসন লৈননা থবক পায়খৎমিন্নরবদি লমদম অসী খূমাঙ য়াঙনা চাওখৎ মায়কৈদা চঙশীল্লক্কনি হায়খি।
ইথিক্স, দিসসিপ্লিন অমসুং ইন্টিগ্ৰিটি ঙাক্না থবক তৌদবা য়াদে হায়বা ৱাফম বাজপাইনা ফোঙদোকখি। ষ্টেট অসীগী ইনাকখুল্লবা হেন্দলূম, হেন্দিক্রাফ্ট অমদি টেক্সটাইলগী হীরমশিংদা হেন্না খূমাঙ চাওশীলহন্ননবা ওফিসিয়েলশিংনা লৌফম থোকপা থৌদাং লৌদুনা মনিপুরগী হেন্দলুম অমসুং হেন্দিক্রাফকী পোত্থোকশিং তোঙান তোঙানবা মালেমগী মফমশিংদা এক্সপোর্ট তৌবা ঙম্নবা হোৎনগদবনি হায়না মহাক্না ওফিসিয়েলশিংদা পাউতাক পীখি।
You may also like
-
সেন্সস য়ৈথোক্কনি হায়বগী ওর্দর আগষ্ট ৩১ ফাওবদা থোক্ট্রবদি পূঙ ২৪ গী জেনরেল ষ্ট্রাইক চত্থরগনি: জে এফ দি
-
ফীভম হেন্না শোকচীল্লক্লিবা লোক্টাক পাৎ তা শাগৎনরক্লিবা হোম-ষ্টেশিং মীৎয়েঙ চঙবা মথৌ তারক্লি
-
চুরাচান্দপুরদা দেঙ্গীগী অকিবা হেঙ্গৎলক্লি, আগষ্ট ৩০ ফাওবা মহৈলোয়শঙশিং ছুটি লাউথোকখ্রে
-
মনিপুরদা সেন্সসকি থবক মতম খরা য়ৈথোরকপা য়াবগী থাজবা লৈরে, আমিট শাহা ওক্টোবরদা লাক্কদৌরি
-
ফয়েঙ অপূনলোক তুরেল মপান্দগী য়াম্লবা খূৎলায়শিং ফাগৎখ্রে