নেস্নেল ইলিজিবিলিটি কম এন্ট্রান্স টেষ্ট (নিট) এগজামগী ক্বেসন লিক ওইরকখিবা থৌওং, কোক্রোচ জনটা পার্টিগী খোঙজঙনচিংবগী অমদি অতৈ তোঙান তোঙানবা পেন্দবা ৱাফম কয়ামরুম পার্লিয়ামেন্ত মীফমদা পুখৎলদুনা ওপ্পোজিসন মেম্বরশিংনা চরাঙনবা থোকহনখিবদগী পার্লিয়ামেন্তকী অপ্পর অমদি লাৱর হাওস অনীমক্তা, ঙরাং মীফম হৌবা নুমিত্তা তঙায়ফদনা নোংমগী ওইনা মীফম য়ৈথোকখ্রে।
মীফমগী মাঙওইননা প্রাইম মিনিষ্টর নরেন্দ্র মোদিনা এম পি খূদীংমক্তা, হাওসকি মীফম অদুদা য়াম্না ৱাহন্থোক লৈবা মতৌদা লৈবাক্কি ইস্যুশিংগী মতাঙদা খন্নমিন্নদুনা অফবা, অচুম্বা ৱারেপশিং লৌমীন্নসি হায়বা ৱাফমশিং থম্লদুনা পার্লিয়ামেন্তরি দেমোক্রেসিগী তোমথিন ওইনা ফজরবা মশক-মওংশিং অদূ ঙাক্তুনা, লৈবাক্কি মরূওইবা ৱাফমশিং ঈং-তপ্না খন্নদুনা, তূং কোইনা লৈবাক অসিগী মীয়ামদা কান্নগদবা ৱারেপশিং লৌমীন্নসি হায়না আপিল তৌখিবনি। য়াম্না মরূ ওইবা ইস্যুশিং খন্ননবা পুখৎলকপদা চরাঙনবা কয়া থোকহনবসিনা লৈবাক্কি ওইনা মাঙজবা নত্তনা কান্নবা অমত্তা পুরক্তে হায়নসু প্রাইম মিনিষ্টরনা ফোঙদোকখি।
প্রাইম মিনিষ্টরনা এম পিশিংদা আপিল তৌখ্রবসু ঙরাং হাওস অনীমক্কি মীফম হৌরকপদা কংগ্ৰেসনা লুচিংবা ওপ্পোজিসন মেম্বরশিংনা নিট এগজামগী ক্বেসন লিক ওইরকখিবা, কোক্রোচ জনটা পার্টিগী খোঙজঙনচিংবগী য়াওনা হীরম কয়াগী মতাংদা পেন্দবা খোল্লাউশিং হঞ্জিন হঞ্জিন্না লাউদুনা চরাঙনবা থোক্লকপদগী নোংমগী ওইনা হাওস অনীমক্কি প্রোসিদিং চত্থবা ঙমখিদে।
ঙসী অয়ূক পূং ১১ তাবা ফাওবা হাওসশিংগী মীফম য়ৈথোকখি।
You may also like
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে
-
মীতোপ্না শুরিবা থবকশিং ঐখোয়না মহুৎ শিল্লবা মতমদা চাওখৎপা -নুঙাইবা পুরক্কদবনি: মশেল
-
ইম্ফাল ইষ্টকি ৱাখা দা শারিবা এম য়ূ সী আগষ্ট থা মনূঙদা লোইশিনবা ঙম্লোইদৌরি
-
কে সি পি (পিদব্লিয়ুজি) গী চ্যেরমেন য়াওনা কেদর ৪৬ সরেন্দর তৌরকখ্রে
-
হাওচোং পি ঐচ সী অৱাৎ-অপানা পীক থল্লম্লে: পুয়া