ষ্টেট অসীগী ইম্ফাল ইষ্ট দিষ্ট্রিক্টতগী দিল্লিদা লৈবা উলেনখোম্বা কোন্থৌজম্না মহাক্কী সেল্লরি চাদা ২৫০ হেঙ্গৎহনবা ঙমখিবগা লোয়ননা খ্বাইদগী অনৌবা রেকোর্দ অমা থমখ্রে।
মশাগী চহী ২৫ খক্তা ঙায়রিবা নহা অসীনা শুপ্নগী চহী অনীগী মনূংদা টেক্নোলোজি সেক্টরদা চঙখিদুনা দাটা সাইন্স অপস্কিল্লিং দা হৈথোই-শিংথোইরকখি লোয়ননা মশাগী সেলেরি চাদা ২৫০ গী মথক্তা হেঙ্গৎহনবা ঙম্লকখি হায়রি। মসী মহাক অমসুং মনিপুরগী হৌগৎলক্লিবা মহৈরোয়শিংগী অচৌবা মায় পাকপা অমদি তমজনিঙায় ওইরবা এচিবমেন্ত অমনি হায়বা য়াই।
মহাক্না মেথমেটিক্স সবজেক্ট তা দিল্লি য়ুনিভর্সিটিদগী গ্ৰেজুয়েৎ লোইশিনখি। মহাক্কি ঈমূঙ-মনূংগী শেল-থুমগী ফীভম ফত্তবদগী গভর্নমেন্টকি ওইবা থবক তান্নবগী লম্বীদগী থৈদোক্তুনা দাটা এনালাইটিক্স তা মশাগী কেরিয়র অমা নীংথিনা শেমগৎনবা হোৎনরকখি হায়রি।
কুমশিং ২০২১ দা মহাক্কি অপোকপা লৈখিদে। মদূগী মতূঙদা মহাক্কি অপোকপী অমসুং মচন্নূপী অনী মহাক্না য়েংশিনবগী থৌদাং লৌদবা য়ারকখিদে। মহাক দাটা এনালাইটিক্স তা মশাগী কেরিয়র শেমগৎলকখি হায়না স্কেলার না মীয়ামদা খঙহল্লক্লি। দাটা সাইন্সকি মরমদা মহাক্না মহাক্কি কজন অমদগী মরূওইবা ৱাহৌদোক্কি শরূক খরা তমজরবা মতূঙদা দাটা সাইন্স অমসুং মেচিন লার্নিং প্রোগ্ৰামগী হীরমদা মখাতানা চঙশীনবা হৌরকখি।
ষ্ট্রকচর কোর্স ৱার্ক, হেন্দস ওন প্রোজেক্ট, মেন্টর্সিপ, ইন্টরভিয়ু থৌরাং তৌদুনা কুমশিং ২০২৪ দা রিভিল হেল্থ টেক কম্পেনিদা দাটা এনালাইসিষ্ট অমা ওইনা থবক তৌখি। চহী অনীগী মনূঙদা গ্লোবেল কম্মর্স মেদিয়া এন্দ এদভর্টাইজিং টেক্নোলোজি কম্পেনি ওইনা লৈরিবা ক্রিটিও দা দাটা এনালাইসিষ্ট অমা ওইনা থবক তৌদুনা মহাক্কি সেলেরি চাদা ২৫০ হেঙ্গৎলকখিবনি হায়রি। মহাক্না কত্থোকপগা লোয়ননা প্রাক্টিকেল স্কিলশিং অমসুং প্রোজেক্ট এক্সপিরিএন্স ময়ামদুনা মরম ওইরগা মীথোয়-মীহেনবা ওইরক্তুনা মিংচৎ ফংলকখিবনি।
মহাক্কি সবজেক্ট অসী হৌজিকসু দিমান্দ য়াম্না লৈ হায়রি।
