কুমশিং ২০২৩গী মে অহুমদগী হৌরকখিবা মনিপুরগী তঙদূ-লৈতাদবা হীঙশাগী ঈরাং অসিদা ময়ূম-মকৈ মাঙ-তাকখিবদগী অমদি মীশী-মীনা থোক্তুনা লাঞ্জেন্নদুনা তোঙান তোঙানবা রিলিফ কেম্পশিংদা চঙজফম লৌদুনা লৈরিবা ইন্টর্নেল্লি দিসপ্লেস পার্সন (আই দি পি) শিং অসী, মতৌ করম্না অমূক হন্না মশা-মশাগী মহৌশাগী লৈফমশিংদা হঞ্জিলহনবা য়াগদগে হায়বগী মতাঙদা মনিপুর লৈঙাক্কি হোম মিনিষ্টর গোবিন্দাস কোন্থৌজম্না চ্যের লৌদুনা ঙরাং মীফম অমা বিষ্ণুপুর দিষ্ট্রিক্ট হেদক্বার্টরদা পাঙথোকখ্রে।
অৱাংবা থাক্কি মীফম অদূ দিষ্ট্রিক্ট অদূগী দিপ্যুটি কম্মিস্নারগী কনফরেন্স হোলদা চত্থখিবনি। থৌরমদুদা নম্বোল কেন্দ্রগী এম এল এ টি ঐচ বসন্তকুমার, ওইনাম কেন্দ্রগী এম এল এ ইরেংবম নলিনি দেবী, থাঙ্গা কেন্দ্রগী এম এল এ তোংব্রম রোবিন্দ্রো,কুম্বিগী সনসম প্রেমচান্দ, এদ্দিস্নেল দিরেক্টর জেনরেল ওফ পুলিস এল কাইলুন,চুরাচান্দপুর অমদি বিষ্ণুপুর দিষ্ট্রিক্ট অনীগী দি সি অমসুং এস পিশিং শরূক য়াখি।
আই দি পিশিং য়ারিবমখৈ অথুবদা মহৌশাগী লৈফমশিংদা হঞ্জিলহন্নবা অমদি মখোয়গী অহেনবা য়াইফা থৌরাংশিং পায়খৎনবা মীফম অদূ পাঙথোকপনি হায়না হোম মিনিষ্টর গোবিন্দাস কোন্থৌজম্না ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে