মনিপুরদা হৌজিক সেন্সসকী মতাঙদা চরাঙনবা অমসুং চয়েৎনবা কয়া লৈরিঙৈ চৈরকশিদা চিফ মিনিষ্টর য়ূম্নাম খেমচান্দনা সেন্সস অসী নিয়ম চুম্না পাঙথোক্নবা থৌরাং তৌরি হায়রক্লিবসি কদায় ফাওবা নিয়ম চুম্না, মতৌ করম্না পাঙথোক্কদৌরিবনো হায়না ১৪-সি এস ওগী কনভেনর নহাকপম শান্ত না ফোঙদোকখ্রে।
ঙরাং সেন্সসকা মরী লৈননা ইম্ফালগী কৈশাম্পাৎ তা লৈবা ইপসাগী ওফিসতা পাঙথোকখিবা মীফমদা মহাক্না ৱাফম অসী ফোঙদোকখিবনি। মহাক্না মখা তানা হায়, সেন্সসকি মতাঙ অসী তঙায় ফদনা খন্নদবা য়াদ্রবা,য়াম্না অচৌবা অমদি তঙায়ফদ্রবা ইস্যু অমনি।সেন্সস তৌদ্রিঙৈ মমাঙদা মনিপুরদা চঙশীল্লক্তুনা লৈখ্রবা মীতোপশিং খন্দোক্তুনা মশাগী মরমদমদা হলহনখিবা হায়বসি তৌদবা য়াদ্রবা অমখক্নি।কুমশিং ২০২১ দা ম্যান্মারগী ঈরাং মতমদগী হৌজিক ফাওবদা মনিপুরদা চেন্সীল্লকখিবা ম্যান্মারিজ মশীঙ অসী লীশীং ৫০ দগী ৬০ ফাওবা ওইগনি হায়না আসাম রাইফলসনা সেন্টরদা পীখৎপা রিপোর্ট তা ময়েক শেংনা ফোঙদোকই।মসীগী মমাঙদা তাঙ্কক কয়াদা আইন কায়না লমদমসিদা, বাংলাদেশ অমদি ম্যান্মার দগী চঙলকখিবা মীতোক লীশীং কয়া অমসু লৈখ্রবনি। মখোয়দু কদায়-কদায়দা লৈরিবগে হায়বা থিদোক্তুনা মরমদমদা হলহন্দনা সেন্সস মতৌ করম্না নিয়ম চুম্না পাঙথোক্কদৌরিবনো হায়না শান্তনা অঙকপা ফোঙদোকখি।
মসীগী মতাঙদা পোলিটিকেল পার্টি পূম্নমক্কি ওইবা মীফম অমা কৌবিয়ু অদুগা সি এস ওশিংগা ফম্মীন্নবগী তাঞ্জা অমসু লৌবিয়ু হায়না মহাক্না চিফ মিনিষ্টরগী পূক্নিং চিংশিনখি।
You may also like
-
লিয়াংমৈ নাগাগী নূপীশিংনা হোষ্টেজ তরুক থাদোক্নবা রেল্লি চৎখ্রে
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে