পিপল্স রিভোল্যুসন্নরি পার্টি ওফ কংলৈপাক (প্রিপাক) কি খূৎলায় পায়বা লান্মী শঙলূপ অমা ওইনা লৈরিবা রেদ আর্মী (আর সি) লিংখৎখিবগী ৪৬ শুরকপা “রেদ আর্মী অপরাইজিং দে” থৌরম থা অসীগী ২৬ তা চীঙ-লেম্না, মপূঙফানা পাঙথোকখ্রে হায়না আইন্না থিংখ্রবা য়াওল্লূপ অসীগী দিপার্টমেন্ট ওফ পব্লিসিটি এন্দ প্রোপেগেন্দাগী পব্লিসিটি ওফিসার মঙাল খূমন্না খূৎয়েক পীদুনা থাদোরকপা চেরোল অমদা ফোঙদোরক্লি।
চেরোল অসীনা হায়,৪৬ শুবা রেদ আর্মী অপরাইজিং দে থৌরম অদূ পার্টীগী সেন্ট্রেল হেদক্বার্টর, জেনরেল হেদক্বার্তর,৭০৭ শুবা মোবাইল বট্টালিয়ন,টেক্টিকেল হেদক্বার্টর, বেজ এরিয়াশিং, ট্রাঞ্জিৎ কেম্প অমসুং ট্রেনিং কেম্প সেন্টরশিংদা,লমদম অসীগী চীঙমী-তম্মীশিংসু শরূক য়ারদুনা মপূঙ ফানা পাঙথোকখি। সেন্ট্রেল হেদক্বার্টরদা পাঙথোকখিবা থৌরমদা পার্টীগী চ্যেরমেন, ইন্টরিম কাউন্সিলনা অথোয়বা মীথূংলেন,চার্জ-দি-এফ্যের্স, পব্লিসিটি এন্দ প্রোপেগেন্দা,প্রিপাক্না থৌরম মপূ অমদি এসিষ্টেন্ট চার্জ-দি-এফ্যের্স, পব্লিসিটি এন্দ প্রোপেগেন্দা না অখন্নবা মীথূঙ ওইনা শরূক য়াখি হায়রি।
থৌরমদুদা ৱা ঙাঙবদা চ্যেরমেন না হায়, প্রিপাক্কি খূৎলায় পায়বা লান্মীশিংনা ঈরৈপাক কন্ননবা লৌরক্লিবা থৌদাং শীঙথানিঙায়নি। ঈরমদম নীংতম্ননবা হনবা নাইদনা হোৎনখিগনি হায়খি।
You may also like
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি