মনিপুরদা এন আর সি মপূঙফানা থবক্তা ওন্থোক্তুনা, মীতোপশিং মশক খঙদোক্তুনা তকথোকখ্রবা মতূঙদা মীকোক অমসুং য়ূমকোক মশীঙ থীগদবনি। মীতোপ ময়াম থমজিল্লগা মীকোক অমসুং য়ূমকোক মশীঙ থীবা য়াখিরোই, সেন্সসকি থবক-থৌরম পূম্নমক য়ৈথোকখো হায়বা দিমান্দ তৌরদুনা মীয়াম্না এসেমব্লীদা থোমজীল্লকপদা পুলিস অমসুং পেরামিলিতরী ফোর্সশিংনা অথীংবা পীদুনা এসেমব্লীদা চঙহনখিদ্রে।
কেম্পেইন ফোর জষ্ট এন্দ ফ্যের দিলিমিটেসন (জে এফ দি) না লুচিংদুনা ঈমা লূপশিং শরুক য়াখিবা,মশীঙ য়াম্লবা মীয়ামগী খোঙচৎ অদূ পুলিস অমসুং পেরামিলিতরী ফোর্সশিংনা থিংলকপদগী মীয়াম অদূগা মূক্নরকখি। মদূগী তুংদা মীয়াম অদূ নাউথিংখোং লম্পাক্তা হল্লক্লগা পূন্সীন্দুনা লৈখি।
মীয়ামদুনা, নো এন আর সি,নো সেন্সস; নো ফ্রী মূভমেন্ট, নো সেন্সস; নো আই দি পি সেটলমেন্ট,নো সেন্সস; হায়না থাবা প্লেকার্দশিং শীজীন্নদুনা খোঙজঙ অদূ চঙশীনখিবনি।তরানিথোয়শুবা মনিপুর লেজিসলেটিব এসেমব্লিগী তরেৎশুবা সেসন হৌজিক চত্থরিবা চৈরক্তা মীয়াম্না এসেমব্লী তম্না থোমজীন্ননবা হোৎনরকখিবনি।