পুন্সিদা মায় পাক্কে হায়রবদি অশম্বা লম্বী কৈদৌনুংদা থিরোইদবনি হায়না মনিপুরগী গভর্নর অজয় কুমার ভাল্লানা ফোঙদোকখ্রে। ঙরাং ইম্ফাল ইষ্ট দিষ্ট্রিক্টকি মনূঙচন্না পেলেস কম্পাউন্দা লৈরিবা সিটি কনভেন্সন সেন্তরদা পাঙথোকখিবা মনিপুর টেক্নিকেল য়ুনিভর্সিটি (এম টি য়ু) গী অহানবা কনভোকেসনগী থৌরমদা অথোয়বা মীথূঙলেন ওইনা শরূক য়ারদুনা মহাক্কি ৱারোল থমখিবা গভর্নরনা ৱাফম অসি ফোঙদোকখিবনি।
মহাক্না হায়, মহৈরোয়শিংনা তানশিল্লুরিবা লৌশিং গ্যান পূম্নমক অদূ খুনাইদা কান্নবা পীবা ওইহনগদবনি। খুন্নাইগী কান্নবা পীবা ঙমদ্রবদি তান্সিল্লুরিবা গ্যান-লৌশিং অদূগী ৱাহন্থোক লৈতে।মরম অদুনা পুন্সিদা মায় পাক্কে খল্লবদি কৈদৌনুংদা অশম্বা লম্বী নত্রগা পাম্বৈ থিরোইদবনি, অখাঙ কনবা তমগদবনি অদূগা দিসসিপ্লিন ঙাক্তুনা অচূম্বা লম্বীদুদা চঙশীন্ননবা হোৎনগদবনি হায়খি।
মনিপুর টেক্নিকেল য়ুনিভর্সিটি অসিদা গ্ৰেজুয়েট লোইরদুনা দিগ্ৰি ফংলবা মহৈরোয়শিংনা খুনাই অসিদা মতৌ করম্না কান্নবা পীগদগে হায়বসি খন্থগদবনি হায়নসু গভর্নরনা ফোঙদোকখি। মনিপুর টেক্নিকেল য়ুনিভর্সিটি অসী অৱাং নোংপোক লমদমদা লৈরিবা অতৈ য়ুনিভর্সিতী ময়ামসিদগী থাক হন্থদনবা লৈঙাক অসিনা থৌদাং লৌদুনা হোৎনগনি হায়বা ৱাফম মহাক্না থমখি।
You may also like
-
দেবজিৎ মীহাৎ য়ানীংদবা ফোঙদোক্তুনা ৱাকৎ মীফম চত্থখ্রে
-
কোব্রা ফোর্স য়ৌরক্লে, মনিপুরগী ঈরাং লাকশীনবদা অচৌবা মতেং ওইরগনি:গোবিন্দাস
-
নুমিৎ ১৫ নি চত্থগদবা সম্মর খো খো কোচিং কেম্প ঙরাংদগী হৌদোকখ্রে
-
মনিপুরদগী এন দি এগী রাজ্য সভা মীরেপ ওইরিবি এ সার্দা মায় পাক্লে হায়না লাউথোকখ্রে
-
টুটেল সটদাওনগী খোঙজঙশিংনা চীঙগী দিষ্ট্রিক্টশিংদা চাউনা অকায়বা পীরে