নৌরিবা অঙাংশীংদা নোয়বা হেঙ্গৎলকপা,অরুম্বগী চাং য়াম্না হেঙ্গৎলকপগী ইস্যু কয়ামরুম থোক্লক্তুনা হকশেলগী ইস্যু কয়ামরুম মায়োক্নরগা লাকপনা মরম ওইরগা ব্রিটেন লৈঙাক্না অয়ূক-নুংথিলগী মতমদা জঙ্ক ফূদকা মরী লৈনবা এদভর্টিজমেন্ট মখল অমত্তা তৌবা য়ারোই হায়না অকনবা ৱার্নিং গা লোয়ননা অথিংবা থমখ্রে।টেলিভিজন অমদি ওনলাইনগী খূত্থাঙদা অসীগুম্বা মখলগী এদভর্টিজমেন্ট মখল অমত্তা তৌবা য়ারোই হায়দুনা হৌখিবা নিংথৌকাবা নুমিত্তা অনৌবা রিগুলেসন অসী থোকখিবনি।
রিগুলেসন অসীগী মতূঙ ইন্না নুমিদাং পূঙ ৯ গী মমাঙদা টেলিভিজন অমদি ওনলাইনগী খুত্থাংদা জঙ্ক ফুদকা মরী লৈনবা এদভর্টিজমেন্ট অমত্তা তৌবা য়ারোই হায়রি।ফেট,সুগর,থুম-থাউগী শরূক কা হেন্না য়াওবা চীঞ্জাকশিং অঙাঙশিংদা পীজদনবা পান্দমদা লৈঙাক্না খোঙথাঙ অসী লৌখৎলকপনি হায়রি।মমাঙ চহী ২০২৪ গী দিসেম্বর থাদা ব্রিটেন লৈঙাক্না মিল্ক সেক,কোফি অমদি অতৈ থক্ননবা মহীশিংদা য়াওবা চিনিগী টেক্স লৌননবা থৌরাং লৌখৎখি অদূম ওইনমক থৌশিল অদুনা মপূঙফানা কান্নবা পুরকপা ঙম্লক্তবদগী হেন্না কন্সীনবা মখলগী খোঙথাঙ অসী লৌখৎলকপনি।
ব্রিটেন্দা মশাগী চহী মঙা শুরক্লবা অঙাঙশিং স্কুলদা চত্তুনা মহৈ তম্বা হৌই অদূগা অসীগুম্বা জঙ্ক ফুদশিং তোয়না শীজীন্নবনা মরম ওইদুনা অঙাঙশিং অসীনা চহী ১১ শুরকপদা ওবেসিটিগী ইস্যু কয়া মায়োক্নৈ হায়রি।