ইন্দিগো ফ্লাইট সার্বিসকি মওং-মতৌশিং য়েংশিনবগী থবক চত্থরিবা ইন্সপেক্তর ৪ থবক্তগী লৌথোকখ্রে।মখোয়না মথৌ পাঙথোকপদা চেকশীন্দে অমসুং থৌশাদে হায়বা মরালদা দিরেক্তর জেনরেল ওফ সিভিল এভিয়েসন (দি জি সি এ) না মখোয়বু থবক্তগী লৌথোকখিবনি হায়রি।ইন্সপেক্তর ৪ অসিনা ইন্দিগোগী ওপরেস্নেল ষ্টেন্দার্দ অমদি সেফটিগী মতাঙদা য়েংশিনখিবা মতমদা য়াম্না থৌশাদবগী অমসুং চেকশীনবা ৱাৎপগী মওং উবা ফংখিবদগী দিজিসিএ না মখোয়বু থবক্তগী লৌথোকখিবনি।
মসীগা লোয়ননা ইন্দিগোগী সি ঈ ও পিটর এলভর্স মশামক লাক্কদবনি হায়বা ৱাফমসু দিজিসিএ না খঙহনখ্রে। অথোরিটি অসীনা চৎলিবা থা অসীগী মনূঙদা ইন্দিগোগী ফ্লাইট লীশীং কয়ামরুম কেন্সেল তৌখ্রবা মতূঙদা অনৌবা খোঙথাঙ অসী লৌখৎলকপনি।মখা তারকপা ওইনা ইন্দিগোগী থবক-থৌরমশিংদা করি অশোয়বা য়াওবগে হায়বা য়েংশিন্ননবা দিজিসিএ না অখন্নবা ইনভেষ্টিগেসন টিমশিং নৌনা শেমখ্রে।
টিম অমনা ইন্দিগোগী ফ্লাইট মশীঙ কয়ানো,পাইলোৎ অমসুং ক্রূ মেম্বরশিং কমদৌবনো হায়বনচিংবা য়েংশিনগনি হায়রি। অনৌবা টিমশিং অসিনা নুংতি-নুমীৎ খূদীংগী নুংদাংৱাইরম পুঙ ৬ তাবদা মপূঙফাবা রিপোর্ট পীরক্নবসু দিজিসিএ না খঙহনখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা