কাঙলূপকি ঈরাংনা মরম ওইদুনা হৌখিবা চহী অনী চূপ্না পাঙথোক্লুদ্রবা মতূঙদা মনিপুর পোলো ইন্টর্নেস্নেল টুর্নামেন্ট -২০২৫ থা অসীগী ২২ দা ইম্ফালগী পোলোগ্ৰাউন্দা হৌদোকখ্রে।টুর্নামেন্ট অসীগী হন্দক ১৫ শুবা এদিসন অসীদা ইন্দিয়াগী মপান্দগী টিম অনীনা শরুক য়ারি।
টুর্নামেন্ট অসীদা কলম্বিয়া অমসুং য়ুনাইটেদ ষ্টেট ওফ অমেরিকা শরুক য়ারি। কলম্বিয়াদি ইহান হানবা ওইনা টুর্নামেন্ট অসীদা হন্দক শরূক য়ারকপনি।মপান লৈবাক্কি টিম অনী অসীনা টুর্নামেন্ট হৌদোকপগী মেচতা শান্নখি।মনিপুর হোর্সরাইদিং এন্দ পোলো এসোসিয়েসন্না শীন্দূনা চত্থরিবা টুর্নামেন্ট অসীদা য়ূম্বূ ওইরিবা লৈবাক অসিগী ওইনা টিম ইন্দিয়া -এ অমসুং টিম ইন্দিয়া -বি অনীনা শরুক য়ারিবনি।হৌদোকখিবা থৌরমদুদা অথোয়বা মীথূঙলেন ওইনা ৱা ঙাঙবদা মনিপুরগী চিফ সেক্রেটরি পুনিট কুমার গোয়েলনা, পোলো মশান্না অসী ঈচম চম্বা মশান্না অমা নত্তে,মসীনা মনিপুরগী নাৎ,কলচর অমসুং ট্রেদিসন মশক তাক্লিবনি হায়খি।
মশান্না মখল অসীনা লমদম অসীগী আইদেন্টিটি, থৌনা -লিংজেল অমসুং থকশী -খাশিগী মশকসু তাক্লিবনি হায়না শীঙথাখি।মতূঙ তারকপা চহীশিংদদি মনিপুরগী লো এন্দ ওর্দরগী ফীভমসু ফগৎলকপগা লোয়ননা মপান লৈবাকশিংদগী পোলো টিমশিং হেন্না শরুক য়ারক্লগনি হায়বগী থাজবসু চিফ সেক্রেটরিনা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা