মেদান্তা হোস্পিতাল গুরগাওনা অৱাং নোংপোক্কী রাজ্যশিংগীদমক দেদিকেতেদ হেল্পলাইন নম্বর লোঞ্চ তৌখ্রে

অৱাং-নোংপোক্কী রাজ্যশিংদা মেদিকেল কেয়র ফগৎহন্নবগী মায়কৈদা মরু ওইবা খোঙথাং অমা ওইনা, থংন-থংননা চহি তরুক চুপ্না ন্যুজৱীক্না ভারতকী খ্বাইদগী ফবা প্রাইবেৎ হোস্পিতাল হায়না মিংথোন পীখ্রবা গুরগাওদা য়ুম্ফম ওইবা মেদান্তা – দি মেদিসিতীনা পেসেন্তশিংদা মখোয়গী মশাগী লোলদা মতেং পাংদুনা লৈবাক অসিগী কান্নবা ফংদ্রিবা মফমশিংদা হেল্থ কেয়র মপাঙ্গল কনখৎহন্নবগী মায়কৈদা মরু ওইবা খোঙথাং অমা ওইনা দেদিকেতেদ হেল্পলাইন নম্বর অমা লোঞ্চ তৌখ্রে। হেল্পলাইন নম্বর – ৮৯০৪৩৯৫৫৮৮ – অসি অয়ুক পুং ৮দগী নুমিদাং পুং ৮ ফাওবা মথৌ তৌগনি অমসুং মসিনা পেসেন্তশিং অমসুং মখোয়গী এতেন্দেন্তশিংদা য়াম্না থুনা অমসুং থাজবা য়াবা মতেং পীগনি, অচুম্বা দোক্তর খনবদা অমসুং এপোইন্তমেন্ত বুক তৌবদা মতেং পাংগনি মসিগা লোয়ননা চৎথোক-চৎশিন তৌবদা মতেং পাংগনি। হৌজিক্কী ওইনা অসামিজ, বেঙ্গালি, নাগামিজ, ইংলিস অমসুং হিন্দীদা ফংলি, মসিগী সর্ভিস অসি অথুবা মতমদা অতোপ্পা রিজনেল লোলশিংদসু ফংহনগনি।

অনৌবা হেল্পলাইন নম্বরগী মতাংদা ৱা ঙাংলদুনা মেদান্তাগী চেয়রমেন অমসুং মেনেজিং দিরেক্তর, দা. নরেশ ত্রেহন্না হায়খি, “নোর্থ ইস্ত ইন্দিয়া অসি হেল্থ কেয়র সর্ভিসশিংদা মতম শাংনা কান্নবা ফংদ্রিবা লমদম অমনি। মেদান্তাদা, ঐখোয়না থাজৈ মদুদি ক্বালিতী হেল্থ কেয়র অসি হক অমা ওইগদবনি, খুদোংচাবা নত্তে, অমসুং মসিগী খোঙথাং অসিগী খুত্থাংদা, ঐখোয়না মালেমগী থাক্কী হেল্থ কেয়র অসি মীপুম খুদিংমক্তা ফংহন্নবা ঐখোয়গী মিসন অদু অমুক্কা হন্না ফোংদোক্লি, মসিনা ঐখোয়গী হোস্পিতালগী ইথোস – ‘হরএকজান অনমোল’ (পুন্সি খুদিংমক মমল য়াম্মি) অদু মংফাওনহল্লি।”

অৱাং-নোংপোক লমদমদা হেল্থকেয়র ফংহনবদা খুদোংচাদবা লৈবা অসি মরুওইবা শীংনবা অমনি। মসিগা লোয়ননা, পেসেন্ত কয়া অমনা মরুওইনা মখোয়না তর্সিয়রী ত্রীৎমেন্ত সেন্তরশিংদা লায়েংনবা অতোপ্পা রাজ্যশিংদা চৎপা মতমদামখোয়গী হকশেলগী নুংঙাইতবগী মতাংদা মখোয়না নীংথিনা পাউদমবদা নত্ত্রগা মখোয়গী লমদমগী লোলশিংদা থাজবা য়াবা গাইদেন্স ফংনবা হোৎনবদা অৱাবা কয়া মায়োক্নরি। মেদান্তাগী অনৌবা দেদিকেতেদ হেল্পলাইন অসিনা পেসেন্তশিং অমসুং ক্বালিতী হেল্থকেয়রগী মরক্তা লৈরিবা অৱাৎপা অদু কোকহল্লগনি মসিনা হোস্পিতাল পুম্নমক্তা ফোন কোল অমা খক্তদা থাজবা য়াবা মতেং ফংহনগনি। ইনিসিয়েতিব অসিবু থাগৎলদুনা, মেদান্তাগী গ্রুপ সি.ই.ও., শ্রী পঙ্কজ সহনীনা হায়খি, “ঐখোয়গী মীৎয়েং অদু ময়েক শেংই – মালেমগী থাক্কী, পেসেন্ত-সেন্ত্রিক, অমসুং খুন্নাইগী কান্নবা ফংদ্রিবা শরুকশিংদা হেল্থকেয়র ফংহনবা। মেদান্তাগী পেসেন্ত-সেন্ত্রিক এপ্রোচনা ঐখোয়বু অসিগুম্বা মথৌ তাবশিং অসি কোকহন্নবা অমসুং মীপুম খুদিংমক্কীদমক অৱাংবা থাক্কী, এক্সেসিবল অমসুং থাজবা য়াবা হেল্থকেয়র ফংহন্নবা তোপ তোপ্পা থাক্তা লৈহল্লি। হেল্পলাইন অসিনা অনাবশিংবু মখোয়গী হেল্থকেয়রগী খোঙচৎ অসিদা শক্তি পীগনি অমসুং তেংবাং পীরগনি। ঐখোয়গী মায় পাকপগী য়ুম্ফম অসি পেসেন্ত-সেন্ত্রিক, অৱাংবা থাক্কী কেয়রগীদমক হনবা লৈতবা কম্মিৎমেন্ত অসিনা ওইরি।”