মীয়ামগী অপাম্বগী মায়োক্তা লৈরিবা মনিপুরগী পি আর এদমিনিষ্ট্রেসন অসীনা মতাঙ -মতম চাদনা হন্দক চৎলিবা নবেম্বর থা অসীগী ২১ দগী হৌরগা সঙাই ফেষ্টিভেল পাঙথোক্লগনি হায়রিবসি মনিপুরগী মীয়াম্না য়ানীংদে হায়বা ময়েক শেংনা খঙহনবা ওইনা নুমিৎ অসীদা শিন্থা লেপতুনা লৈকায় -লৈকায় পূম্নমক্তা মীয়াম্না ৱাকৎ খোঙজঙ চঙশীনবিয়ু,মীয়াম্না ফেষ্টিভেল অসী পাঙথোক্লিবা পি আর এদমিনিস্ট্রেসনবু বোয়কোট তৌবগী ময়েক শেংলবা খূদমদু ঊৎমিন্নরসি হায়না কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী মায়কৈদগী মীয়ামদা আপিল তৌখ্রে।
চৎলিবা নবেম্বর থা অসীগী ১৭ কি নুমিদাংৱাইরমদা মনিপুরগী চিফ সেক্রেটরি পুনিট কুমার গোয়েলনা চেরোল অমা থারক্তুনা কোকোমি অমসুং লৈঙাক অনীগী মরক্তা ৱারী শান্নসি হায়না খঙহল্লকখি।চেরোল অদুদা এজেন্দাসু অমত্তা য়াওরক্তে হায়খি।কোকোমি হায়রিবা লূপ অসীদি মতীক -ময়ায় লৈরবা মনিপুরগী সিভিল সোসাইটি ওরগানাইজেসন কয়ানা পূল্লগা শেমখিবা লূপ অমা ওইবনা,থারক্লিবা চেরোল অদূগী মরমদা করি করম তৌসিগে হায়না কোকোমিদা য়াওমিন্নরিবা লূপ ময়াম কৌরগা খন্নগদবদু মতমসু য়াম্না তেন্সীল্লবা মতাঙদা পীরকপনিনা ৱারী শান্নবা ঙম্লরোই হায়না পাউখুম পীখ্রে হায়বা ৱাফম কোকোমিগী কনভিনর খূরায়জম অথৌবনা পাউমীশিংদা ফোঙদোকখি।
ফেষ্টিভেল অসী হন্দক্কি ওইনদি মীয়ামগী ওইদে।ফেষ্টিভেল অসীগীদমক বদজেত্তা হাপখিবা শেনফমশিংদু মখোয় ব্যুরোক্রেটশিংনা শায়েন -ঙায়েন্নদুনা লোইশিনবা য়াননবা এজেন্দা অমগী মখাদা চত্থরকপা মাল্লি হায়খি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে