লৈবাক অসীগী প্রসিদেন্ট দ্রৌপদি মুরমু তোংলকখিবা ইন্দিয়ান এয়র ফোর্সকি এম আই-১৭ হেলিকোপ্তর অমা কেরলাগী প্রমাদান্দা লৈরিবা, শাবা লোইরকপখক্তা ঙায়রিবা হেলিপেদতা লেন্দিং তৌবদা হেলিপেদ অদূগী শরুক খরা খঙহৌদনা নমথরকখ্রে।
থৌদোক অদুদা প্রসিদেন্ট দ্রৌপদি মুরমু লাইবক ফবদগী অশোয়- অঙাম্নচিংবদি য়াওহৌদ্রে হায়রি। হেলিকোপ্তর অদূ মফমদুমক্তদা পূত্থদুনা লৈখিবদগী ষ্টেট পুলিশ অমদি ইন্দিয়ান এয়র ফোর্সকি পার্সনেলশিংনা চীংখৎননবা থবক লৌখৎখি।
মদূগী মতূঙদা প্রসিদেন্ট দ্রৌপদি মুরমুনা গারি তোংদুনা সবারিমালা টেম্পল লৈরিবা ঙীঙগী চীঙখোঙ ফাওবা চৎখি। মহাক্না টেম্পল অদূদা চৎপগী লম্বীদা হেলিকোপ্তর পূত্থবগী থৌদোক অদূ থোকখিবনি। প্রসিদেন্ট মুরমুনা টেম্পল অদুদা অশোয়- অঙাম অমত্তা য়াওদনা থুংখিবগা লোয়ননা লাই খুরুমখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে