হন্দক প্রাইম মিনিষ্টর নরেন্দ্র মোদিনা সেপ্তেম্বর ১৩ দা ইম্ফাল অমসুং চুরাচান্দপুরদা লাক্তুনা পব্লিক মিটীংশিংদা ৱা ঙাঙখিবা অদূদা চহী অনী মখায় হেল্লক্লবা মনিপুরগী হীঙশাগী ঈরাঙ অসীগী মতাঙদা করিগুম্বা ৱাফম অমত্তা পল্লমদবসি ষ্টেট অসীগী মীয়াম্বু করিসু লৈতনা খল্লী হায়বনি, সেন্টরদা লৈরিবা বি জে পিনা লুচিংবা লৈঙাক অসীনা মনিপুরগী হীঙশাগী ঈরাঙ অসীগী মতাঙদা করিসু লূম্না লৌদ্রি হায়বা তাক্লে হায়না ওল ইন্দিয়া কংগ্রেস কম্মিটি গী সেক্রেটরি অমসুং মনিপুর ইন-চার্জ খ্রিষ্টোফর টিল্লক না য়াম্না কন্না য়ানিংদবা ফোঙদোকখ্রে।
ঙরাং ইম্ফালগী বি টি রোদতা লৈবা কংগ্রেস ভাবন্দা পাঙথোকপা পাউগী মীফমদা মহাক্না ৱাফম অসী থমখিবনি। ষ্টেট কংগ্রেস লেজিসলেচর পার্টিগী লুচিংবা অমসুং মনিপুরগী হান্নগী চিফ মিনিষ্টর ওক্রম ইবোবি, এম পি সি সিগী প্রসিদেন্ট কৈশাম মেঘচন্দ্র অমদি কংগ্রেস পার্টিগী অতৈ লুচিংবা কয়াসু শরুক য়াখিবা পাউগী মীফম অদুদা টিল্লকনা মখা তানা হায়, মনিপুর পরীঙগী নেস্নেল হায়ৱেশিংদা মৈতৈশিং চত্থোক-চৎশীন তৌবা য়াদ্রি, লমদমসিগী শেল-থুম অমদি অতৈ হীরম অয়াম্বদা শোত্থরগা লৈরি, ইদুকেসনগী মতাঙদা মেনপৱারগী, ইনফ্রাষ্ট্রকচরনচিংবগী শোত্থবা কয়ামরুম লৈরি।
চহী অনীমখায় হেল্লক্লবা হীঙশাগী ঈরাঙ অসীগী মতাঙদা করিমত্তা ফোঙদোক্লমদ্রগা প্রোজেক্ট খরা লাউথোক্লম্লগা প্রাইম মিনিষ্টরনা হনখিবসি মনিপুরগী মীয়াম্বু করিসু লূম্না লৌদ্রি হায়বা তাকপনি হায়খি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর