ইম্ফাল ইষ্ট দিষ্ট্রিক্টকি মনূঙচন্না লৈবা ৱাংখৈ দুর্গা পুজা লম্বাক য়ূম্লেম্বম লৈকায়দগী অচৌবা শর্মগী লোয়নবী রানিবালা কৌবী মীরোনবী অমা অঙাঙ উনবগী মতম য়ৌরকপদগী রিমস হোস্পিটালদা পুখৎলক্তুনা, লায়কন্নদুনা অঙাঙ উনরবা মতূঙদা লৈখিদ্রে। ঈমূঙগী অমসুং রানিবালাগী অতৈ মীওইশিংনদি রিমসকি মরী লৈনবা দাক্তরশিংনা চেকশীন্দবদগী মমা ওইবিদু লৈখিদবনি হায়দুনা অকনবা খোঙজঙ চঙশীনখ্রে।
রানিবালাগী মপূরোইবা গোতিময়ূম অচৌবা শর্ম না ফোঙদোকখিবা মতূঙ ইন্না, মহাক্কি লোয়নবীদু দাক্তরশিংনা মতম চানা মীৎয়েং চঙবীদবা অমসুং থৌশাবিদবদগী লৈখিদবনি হায়খি। মরাল লৈবা দাক্তর অমসুং মরী লৈনবা পূম্নমক অকনবা আইনগী চৈরাক পীদ্রবা অমসুং থবক্তগী লৌথোকত্রিফাওবা অশীবা হকচাং লৌখিরোই হায়খি। রিমস দাক্তরশিংগী থৌওংদু য়ানিংদবা ঊত্তুনা য়ূথ ভল্লন্ট রি ওরগনাইজেসন অমসুং ৱাংখৈ দুর্গা পূজা লম্পাক ৱিমেন ৱেলফ্যের ওরগনাইজেসন অনীনা মফম অদূদা ৱাকৎ চঙশীনখি।
রিমসকি অয়াম্বা দাক্তরশিং অসী প্রাইভেট সোস্পিটালশিং অমসুং ক্লিনিকশিংদা মরন্নাইগী শেল তান্দুনা লৈরগা রিমসতা লাকপা অনাবশিং লায়েংবগী ৱাখল মখোয়দা থোইনা লৈতে। দাক্তর তম্লিবা মহৈরোয়শিং থাদোক্তুনা অনাবশিং লায়েংহনবনি। লৈঙাক্না অরানবা তৌরিবশিং অসীগী মথক্তা অকনবা থবক পায়খৎপিয়ু হায়না খোঙজঙদুদা শরূক য়াখিবি গোতিময়ুম ইবেমনুংশিনা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে