হৌখিবা সেপ্তেম্বর ১৩ দগী মনিপুরগী মফমশিং শীন্থুংনা, লেপ্তনা অকনবা নোং হৈথরকখিবদগী তম্পাক্কি মফম অয়াম্বদা ঈচাও মায়োক্নরগা লৈরি।ইম্ফাল ইষ্ট দিষ্ট্রিক্টকি লম্লাই কেন্দ্রগী মনূঙচনবা শৈজাং, য়াইঙংপোকপী, লম্লাই পুলিস ষ্টেসন মনাক্কি মফমশিং লম্বী মথক্তা ঈশীং চেনশীল্লকপদগী গারীশিং চৎথোক- চৎশীন তৌবা য়াখিদ্রে। য়াইরিপোক, মালোম-চাঙমদবী ফাওনবা য়ুনিটি ব্রিজ ঈচাওগী ঈশীং না চেন্থখ্রে।
ফৌ শাৎলবা লৌফম পরী কয়ামরুম ঈশীং থূমজীনখিবদগী লৌমীশিং অৱাবা খম থেংনা মায়োক্নরগা লৈরে।ইম্ফাল তুরেল মরীলগী ময়াঙ ইম্ফাল তুরেলদগী পুলিসনা অশীবা মীওই অমগী হকচাং রিকোভর তৌরবা মতূঙদা মশক-মমীং খঙদোক্নবা রিমসকি মোরগতা থমখ্রে।
হন্দক্কি ঈচাও অসীনা ৱাংজিং কোদোম্পোকপী স্পোর্টস কমপ্লেক্স ঈশীং থূমজীনখিবদগী মফম অদূদা লৈবা আই দি পিশিং লৈফম-চাফম লৈতবগী অৱাবা মায়োক্নরগা লৈরে হায়রি।পোখায়বী লৌকোল, শৈজাং মনীং লৌকোল, তখেল লৌকোল, থাদিগোং, হীরিপাৎ, থুমখোং, কৈমায় লৌকোলগী ফৌ শাৎপা হৌরক্লবা লৌ পরী লীশীং কয়া ঈরোন্নুংদা লৈখ্রে।