হৌখিবা সেপ্তেম্বর ১৩ দা প্রাইম মিনিষ্টর নরেন্দ্র মোদি মনিপুরদা লাক্লম্বা অদূগীদমক লম্বীদা শেম- শাবগী থবকশিং চত্থরিঙৈ চৈরক্তা শেম- শারিবশিং অদূ থুগাই-য়ৈখায়বা, খোঙনা কাওদুনা চাইখাইখিবা মীয়াম মরক্তগী জো কাঙলূপকি নহা অনীখক পুলিসনা ফাজিনখি হায়বগী মতাঙদা য়ানিংদবা ফোঙদোক্তুনা ঙরাং মশীং য়াম্লবা জো কাঙলূপকি নহাশিং থোক্লক্তুনা চুরাচান্দপুর পুলিস ষ্টেসন্দা থোমজীল্লকখ্রে।
থোঙ সো লোন্সীন্দুনা লৈরিবা ষ্টেসন অদূগী গেট নহাশিং অদূনা ফক্কায়রগা পুদুনা চৎখ্রে হায়রি। লো এন্দ ওর্দর ঙাক্ননবা মফম অদূদা লৈরিবা সেন্ট্রেল সেক্যুরিটি ফোর্সশিংনা মীয়াম অদূ কন্ট্রোল তৌবগী মহূৎ তূমিন্না কুমহৈগুম য়েংলগা লৈখি হায়রি। মীয়াম অদুনা থোমজীল্লক্তুনা পুলিস পার্সনেলশিংদা নূঙনা থাবা, ফূবা চৈবা তৌরকপদগী পার্সনেলশিং অদূ মথৱায় হিংননবা কোয়চেন চেল্লগা লোৎনখি।
ফাজীনখিবা জো কাঙলূপকি মীওই অনীদু খূদক্তা থাদোক্কদবনি হায়বা দাবী তৌদুনা ঙরাং নুমিৎয়ুংবা মতুঙদা চঙশীল্লকখিবা মীয়াম অদুনা পুলিস ষ্টেশন অদূদগী মীওই ২ দু লৌথোকখ্রবরা নত্রগা ষ্টেসন অদুদা মখাতানা লৈহৌরিব্রা হায়বসি খঙবা ঙমদনা লৈরি। মীওই অনীদু কোর্ট তা পুথোক্লুরবা মতূঙদা পুলিস কষ্টদি রিমান্দ লৌথরগা লৈবনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে