হৌখিবা নুমিৎ খরনি অসীদা মনিপুরদা কাঙনা শন্দোকপা লায়না-লাইচৎ মখল অমা ওইরিবা দেঙ্গিগী কেস মশীঙ মথং মথং য়াম্না খূমাঙ য়াঙনা শন্দোরকপদগী মীয়াম মিপাইনবা হেঙ্গৎলক্লি। হৌখিবা আগষ্ট ২৬ খক্তদা মীওই ১১ পোজিটিব ওইদুনা মীয়ামগী পূক্নীঙ ৱাখলদা কা হেন্না নুংনাংবা ফাওহনখিবা মতুং ঙরাংখক্তদা অমুকসু মীওই ৩৮ দেঙ্গী পোজিটিব ওইবা থেংনরকখ্রে।
হৌজিক মনিপুরদা দেঙ্গি লাইচৎ খূমাঙ য়াঙনা শন্দোরকপদগী মীয়াম কা হেন্না নুংনাংবা ফাওনরক্লি। মীয়াম্না অয়ূক-নুংথিল অহীঙ খায়দনা কাঙ চীকহন্দননবা অকনবা চেকশীল থৌরাং লৌখৎপগী তঙায়ফদবা লৈরে হায়না দিরেক্তরেট ওফ হেল্থ সর্বিসেস দিপার্টমেন্টনা ফোঙদোরক্লি। দিরেক্তরেট অসিগী রিপোর্ট মতূঙ ইন্না, হৌখিবা পূঙ ২৪ গী মনূঙদা মনিপুরদা মীওই ৩৮ দেঙ্গী পোজিটিব ওইরক্লি। মসিগী মনূঙদা মীওই ২৯ দি ইম্ফাল ৱেষ্টতগীনি। হন্দক্কি সিজন অসিদা দিষ্ট্রিক্ট অসীগী ওইনা পোজিটিব কেস মশীঙ ৩১১ শুখ্রে। ইম্ফাল ইষ্ট দিষ্ট্রিক্টকি ওইনা হৌখিবা পূঙ ২৪ দা মীওই ৫ পোজিটিব ওইবা থেংনরকখ্রে। পূন্না হন্দক্কি সিজন অসিদা দিষ্ট্রিক্ট অসিগী ওইনা মীওই ৪৮ পোজিটিব ওইবা থেংনরে।
থৌবাল দিষ্ট্রিক্টকি ওইনা মীওই ১,সেনাপটি দিষ্ট্রিক্ট তা মীওই ৩, ককচীঙদা মীওই ৭, উখ্রূলদা মীওই ৪,কামজোং দিষ্ট্রিক্টতা মীওই ২, চান্দেল দিষ্ট্রিক্টতা মীওই ২, চুরাচান্দপুর, নোনে, কাংপোকপি, তমেংলোং, টেংনৌপল দিষ্ট্রিক্টশিংদা মীওই অমমম পোজিটিব ওইবা থেংনখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে